മുംബൈ: സൗജന്യമായി ഫോണ് കൊടുക്കുന്നുവെന്ന് പ്രഖ്യാപിച്ചതിന് പിന്നാലെയിതാ രാജ്യത്തെ മുഴുവന് കോളജ് വിദ്യാര്ത്ഥികള്ക്കും സൗജന്യമായി വൈഫൈ നല്കാനൊരുങ്ങുകയാണ് റിലയന്സ് ജിയോ. രാജ്യത്തെ മൂന്നുകോടിയോളം വരുന്ന കോളജ് വിദ്യാര്ത്ഥികള്ക്കാണ് ജിയോ സൗജന്യ വൈഫൈ നല്കുമെന്ന് പ്രഖ്യാപിച്ചിരിക്കുന്നത്.
കഴിഞ്ഞ മാസമാണ് രാജ്യത്തെ കോളജ് വിദ്യാര്ത്ഥികള്ക്ക് സൗജന്യ വൈഫൈ നല്കാമെന്ന നിര്ദേശം ജിയോ സര്ക്കാരിന് മുന്നിലെത്തിച്ചത്. നിര്ദേശം സര്ക്കാര് പരിശോധിച്ച് വരികയാണ്. കേന്ദ്ര മാനവ വിഭവശേഷി മന്ത്രാലയത്തിന് കീഴിലുള്ള 38,000 കോളേജുകളിലായിരിക്കും ഈ സേവനം ലഭ്യമാക്കുക.
എല്ലാ വിദ്യാര്ത്ഥികള്ക്കും വൈഫൈ ആക്സസ് ലഭിക്കും. നാഷണല് നോളജ് നെറ്റ്വര്ക്കിന്റെ 'സ്വയം' പ്ലാറ്റ്ഫോമില് ഓണ്ലൈന് കോഴ്സുകളടക്കം നല്കും. ജിയോ ഇതിനായി ഹോട്ട്സ്പോട്ടുകള് നിര്മിക്കുമെന്നും അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ