ന്യൂഡല്ഹി : രാജ്യത്ത് ഡീസല് വില ആദ്യമായി പെട്രോളിനെ മറികടന്നു. ഒഡീഷയിലാണ് ഡീസല് വില പെട്രോളിനെയും കടന്ന് മുന്നേറിയത്. ഭുവനേശ്വറില് ഒരു ലിറ്റര് ഡീസലിന് ഇന്നത്തെ വില 80. 69 രൂപയാണ്. അതേസമയം പെട്രോളിനാകട്ടെ 80.57 രൂപയും. ഡീസലിന് 12 പൈസയുടെ വര്ധനയാണ് ഉണ്ടായിട്ടുള്ളത്.
അതേസമയം രാജ്യത്ത് ഇന്ധന വിലയില് ഇന്ന് നേരിയ ഇളവുണ്ട്. പെട്രോളിന് 30 പൈസയും ഡീസലിന് 27 പൈസയുമാണ് കുറഞ്ഞത്. ഇതോടെ ഡല്ഹിയില് പെട്രോളിന് 81.44 രൂപയും ഡീസലിന് 74.92 രൂപയുമായി.
വാണിജ്യതലസ്ഥാനമായ മുംബൈയിലാകട്ടെ പെട്രോള് ഡീസല് വില യഥാക്രമം 86.91 രൂപയും, 78.54 രൂപയുമാണ്. കേരളത്തിലും പെട്രോളിനും ഡീസലിനും 30 പൈസയും 27 പൈസയും കുറഞ്ഞിട്ടുണ്ട്. കൊച്ചിയില് പെട്രോളിന്റെ വില 83.30 രൂപയാണ്. ഡീസലിനാകട്ടെ 78.66 രൂപയാണ് ഇന്നത്തെ വില.
തിരുവനന്തപുരത്ത് പെട്രോള് വില 84.78 രൂപയാണ്. ഡീസല് വിലയാകട്ടെ 80.18 രൂപയാണ്. കോഴിക്കോട് പെട്രോള്, ഡീസല് വില യഥാക്രമം 83.66 രൂപ, 79.03 രൂപ എന്നിങ്ങനെയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ