തിരുവനന്തപുരം: തുടര്ച്ചയായ നാല്പ്പത്തി അഞ്ചാം ദിവസവും ഇന്ധനവില കൂടി. സംസ്ഥാനത്ത് ഇന്ന് പെട്രോളിന് 22 പൈസയും ഡീസലിന് 17 പൈസയുമാണ് കൂടിയത്. ഇതോടെ ഈ മാസം മാത്രം പെട്രോളിന് 2.56 രൂപയും ഡീസലിന് 2.94 രൂപയുടെയും വര്ധന രേഖപ്പെടുത്തി.തിരുവനന്തപുരത്ത് ഒരു ലിറ്റര് പെട്രോളിന് 84.62 രൂപയും ഡീസലിന് 78.47 രൂപയുമാണ് ഇന്നത്തെ വില.
ധനകമ്മി ഉയരുമെന്നതിനാല് എക്സൈസ് തീരുവ കുറയ്ക്കില്ലെന്ന നിലപാടിലാണ് കേന്ദ്രസര്ക്കാര്. രൂപയുടെ മൂല്യം വീണ്ടും ഇടിയാന് ഇത് കാരണമാകുമെന്നും സര്ക്കാര് വാദിക്കുന്നു. രാജ്യാന്തര വിപണിയില് അസംസ്കൃത എണ്ണ വില കൂടുന്നതാണ് ഇന്ത്യയില് പ്രതിഫലിക്കുന്നത്. ഫ്്ലോറന്സ് ചുഴലിക്കാറ്റ് അമേരിക്കയില് തീരത്തോട് അടുത്ത വാര്ത്തകളും എണ്ണ വിലയെ സ്വാധീനിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ