ടാറ്റുകള് നിറഞ്ഞിരിക്കും പല കായിക താരങ്ങളുടേയും ദേഹത്ത്. അക്കൂട്ടത്തില് ഇന്ത്യന് നായകന് വിരാട് കോഹ് ലിയുമുണ്ട്. കളിക്കാരുടെ വിശ്വാസങ്ങള്, ഇഷ്ടങ്ങള് എല്ലാമാണ് അവരുടെ ദേഹത്ത് ടാറ്റുകളായി വിരിയുന്നത്. കോഹ് ലിയും ടാറ്റുകളിലൂടെ വരച്ചിടുകയാണ് തന്നെ സംബന്ധിക്കുന്ന എല്ലാം.
അച്ഛന്റേയും അമ്മയുടേയും പേര്, എകദിനത്തിലും, ടെസ്റ്റിലും ടി20യിലും താന് ധരിച്ചിറങ്ങിയ ജേഴ്സി നമ്പറുകള് അങ്ങിനെ പലതുമുണ്ട് കോഹ് ലി പച്ചകുത്തിയിരിക്കുന്നവയില്. നാഷണല് ജിയോഗ്രഫിയുടെ ഡോക്യുമെന്ററിയിലാണ് കോഹ് ലി തന്റെ ശരീരത്തിലെ ടാറ്റുകളെ കുറിച്ച് ഇപ്പോള് വെളിപ്പെടുത്തുന്നത്.
ചെറുപ്പത്തില് ടാറ്റു എന്നത് കൗതുകം മാത്രമായിരുന്നു. എന്നാല് പോകപോകെ, അതെന്റെ വ്യക്തിത്വത്തിന്റെ ഭാഗമാണ് എന്ന് തിരിച്ചറിയാന് തുടങ്ങി. കൈത്തണ്ടയിലെ ശിവന് മുതല് സമുറായി വരെ എന്തായിരുന്നു എന്റെ ജീവിതം എന്നതിന്റെ പ്രതിഫലനമാണെന്ന് കോഹ് ലി പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ