കൊച്ചി: ആലുവ പൊലീസ് ക്ലബില് ചോദ്യം ചെയ്യലിന് ഹാജരാകാന് എത്തുന്നതിന് ഇടയില് ഡ്യൂപ്പ് കളിച്ച് ദിലീപിന്റെ മാനേജര് അപ്പുണ്ണി. തിങ്കളാഴ്ച രാവിലെ പൊലീസ് ക്ലബിന്റെ മുന്നില് കാറില് വന്നിറങ്ങിയ അപ്പുണ്ണിയുടേതിന് രൂപസാദൃശ്യമുള്ള വ്യക്തിയോട് മാധ്യമപ്രവര്ത്തകര് അപ്പുണ്ണി അല്ലേയെന്ന് ചോദിച്ചു. അതേ എന്ന് ഇയാള് മറുപടിയും നല്കി.
കേസുമായി ബന്ധപ്പെട്ട കാര്യങ്ങള് മാധ്യമപ്രവര്ത്തകര് ചോദിച്ചെങ്കിലും തനിക്ക് ഒന്നും പറയാന് ഇല്ലെന്ന് പറഞ്ഞ് ഇയാള് ഒഴിഞ്ഞുമാറി. ഈ സമയം യഥാര്ഥ അപ്പുണ്ണി മറ്റൊരു കാറില് പൊലീസ് ക്ലബിന് മുന്നിലിറങ്ങി. അപ്പുണ്ണിയെന്ന സുനില് രാജിന്റെ അനിയന് സൂരജാണ് ഡ്യൂപ്പായി എത്തിയതെന്ന് പിന്നീടാണ് മനസിലായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ