കൊച്ചി: വരാപ്പുഴ ശ്രീജിത്ത് മരണക്കേസിൽ കസ്റ്റഡിയിലെടുത്ത മൂന്ന് പൊലീസുകാരെ വിട്ടയച്ചു. ആവശ്യമെങ്കിൽ ഹാജരാകണമെന്നാവശ്യപ്പെട്ടാണ് വിട്ടയച്ചിട്ടുള്ളത്. റൂറൽ ടൈഗർ ഫോഴ്സ് അംഗങ്ങളായ ജിതിൻരാജ്, സന്തോഷ് കുമാർ, സുമേഷ് എന്നിവരെയാണ് പ്രത്യേക അന്വേഷണ സംഘം കസ്റ്റഡയിലെടുത്തത്.
ഇവരെ ആലുവ പോലീസ് ക്ലബ്ബിൽ വെച്ച് ഐജി. എസ്. ശ്രീജിത്തിന്റെ നേതൃത്വത്തിൽ ചോദ്യം ചെയ്തു. വീടുവളഞ്ഞ് രാത്രിയിൽ ക്രൂരമായി മർദ്ദിച്ച് ശ്രീജിത്തിനെ കസ്റ്റഡിയിലെടുത്ത ഇവരെ നേരത്തെ സസ്പെൻഡ് ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ