കൊല്ലം: കെഎം മാണിക്ക് എല്ഡിഎഫുമായി സഹകരിക്കാമെന്ന് സിപിഐ ദേശീയ സെക്രട്ടറി സുധാകര് റെഡ്ഡി. മാണിയുമായുള്ള ബന്ധത്തില് പാര്ട്ടി നിലപാട് നേരത്തെ വ്യക്തമാക്കിയതാണ്. ഇക്കാര്യത്തില് സംസ്ഥാന സമിതിയുടെ തീരുമാനമാണ് ദേശീയ നേതൃത്വത്തിനുള്ളതെന്നും സുധാകര് റെഡ്ഡി പറഞ്ഞു.
മാണിയെ എല്ഡിഎഫിലെടുക്കുന്ന കാര്യം ഒരു പാര്ട്ടിക്ക് മാത്രമായി തീരുമാനിക്കാനാവില്ല. മുന്നണിയിലെടുക്കുന്ന കാര്യത്തില് എല്ഡിഎഫാണ് തീരുമാനമെടുക്കേണ്ടതെന്നും സുധാകര് റെഡ്ഡി പറഞ്ഞു. ചെങ്ങന്നൂര് ഉപതെരഞ്ഞടുപ്പില് മാണിയുടെ വോട്ട ്എല്ഡിഎഫിന് വേണ്ടെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന് വ്യക്തമാക്കിയിരുന്നു. ഇതിനെതിരെ സിപിഎം രംഗത്തെത്തിയിരുന്നു. തെരഞ്ഞടുപ്പില് ആരുടെയും വോട്ടുകള് സ്വീകരിക്കുമെന്നായിരുന്നു സിപിഎം നിലപാട്. ഇടതുവിജയത്തിന് കാനത്തിന്റെ നിലപാട് ദോഷം ചെയ്യുമെന്ന കാഴ്ചപ്പാടാണ് സുധാകര് റെഡ്ഡിയുടെ വിശദികരണത്തിന് പിന്നിലെന്നാണ് റിപ്പോര്ട്ടുകള്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ