സഞ്ജയ് ലീല ബന്‍സാലിയുടെ വിവാദ ചിത്രം പത്മാവത് കണ്ട് അഭിപ്രായം പങ്കുവെച്ച് പ്രതിപക്ഷ നേതാവ് രമേശ് ചെന്നിത്തല. വിവാദങ്ങള്‍ ഒന്നിന് പിന്നാലെ ഒന്നായി എത്തിയത് കൊണ്ടാണ് പത്മാവത് എന്ന ഹിന്ദിചലച്ചിത്രം കാണാന്‍ ഇന്നലെ പോയതെന്നും സിനിമ തനിക്ക് ഏറെ ഇഷ്ടമായെന്നും ചെന്നിത്തല പറഞ്ഞു. പത്മാവത്, ദീപിക പദുക്കോണ്‍, രണ്‍വീര്‍ സിങ് തുടങ്ങിയ ഹാഷ് ടാഗുകളോടെയാണ് അദ്ദേഹത്തിന്റെ ഫേസ്ബുക്ക് പോസ്റ്റ്.
മികച്ച കലാമൂല്യമുള്ള ചലച്ചിത്രമാണിത്. ദീപിക പദുക്കോണിന്റെയും രണ്‍വീര്‍ സിംഗിന്റെയും മികച്ച അഭിനയമുഹൂര്‍ത്തങ്ങള്‍ അടങ്ങുന്ന പത്മാവത് സര്‍ഗ്ഗധനരായ കലാകാരന്മാരുടെ സൃഷ്ടിയാണ്. ഈ ചിത്രത്തെ അനാവശ്യ വിവാദങ്ങളിലേക്ക് വലിച്ചിഴയ്ക്കാന്‍ പാടില്ലായിരുന്നു- ചെന്നിത്തല തന്റെ ഫേസ്ബുക്ക് പേജിലൂടെ പറഞ്ഞു.
പ്രതിപക്ഷ നേതാവിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം
വിവാദങ്ങൾ ഒന്നിന് പിന്നാലെ ഒന്നായി എത്തിയത് കൊണ്ടാണ് പദ്മാവത് എന്ന ഹിന്ദിചലച്ചിത്രം കാണാൻ ഇന്നലെ പോയത്. സിനിമ എനിക്ക് ഏറെ ഇഷ്ടമായി.മികച്ച കലാമൂല്യമുള്ള ചലച്ചിത്രമാണിത്.ദീപികപദുക്കോണിന്റെയും രൺവീർ സിംഗിന്റെയും മികച്ച അഭിനയമുഹൂർത്തങ്ങൾ അടങ്ങുന്ന പദ്മാവത് സർഗ്ഗധനരായ കലാകാരന്മാരുടെ സൃഷ്ടിയാണ്. ഈ ചിത്രത്തെ അനാവശ്യവിവാദങ്ങളിലേക്ക് വലിച്ചിഴയ്ക്കാൻ പാടില്ലായിരുന്നു. ജാതി -മത -വർഗ വൈരങ്ങൾ മാറ്റിവച്ചു മികച്ച കലാസൃഷ്ടിയായി മാത്രം പദ്മാവതിനെ കാണുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
