ന്യൂഡല്ഹി: സംസ്ഥാനത്തെ നാലു ജില്ലകളില് ഇടിമിന്നലും കാറ്റോടും കൂടിയ മഴയ്ക്കു സാധ്യതയെന്നു കാലാവസ്ഥാ നിരീക്ഷണ കേന്ദ്രം. വൈകിട്ടോടെ ഇടുക്കി, പത്തനംതിട്ട, കൊല്ലം, തിരുവനന്തപുരം ജില്ലകള്ക്കാണു മുന്നറിയിപ്പ്. ഇടിമിന്നലോടു കൂടിയ മഴ ഉടന് എത്തുമെന്നാണു നിരീക്ഷണ കേന്ദ്രം വ്യക്തമാക്കുന്നത്.
അതേസമയം ഉത്തരേന്ത്യയില് ഞായറാഴ്ച ഇടിയും കൊടുങ്കാറ്റോടും കൂടിയ കനത്ത മഴ പെയ്യുമെന്നും മുന്നറിയിപ്പുണ്ട്. ഉത്തരാഖണ്ഡ്, ജമ്മു കശ്മീര്, ഹിമാചല് പ്രദേശ് എന്നിവിടങ്ങളിലായിരിക്കും കാറ്റും മഴയും ആഞ്ഞടിക്കുക. രാജസ്ഥാനില് ഞായര്, തിങ്കള് ദിവസങ്ങളില് മണല്ക്കാറ്റ് ശക്തമായി തുടരും. കാലാവസ്ഥയിലുണ്ടാകുന്ന പുതിയ മാറ്റം ഞായറാഴ്ച മുതല് പ്രകടമാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ