തിരുവനന്തപുരം: ഓട്ടോ, ടാക്സി നിരക്കുകൾ വർധിപ്പിക്കണമെന്ന് ശുപാർശ. ജസ്റ്റീസ് രാമചന്ദ്രൻ നായർ കമ്മീഷനാണ് നിരക്ക് വർധനവ് സംബന്ധിച്ചു സർക്കാരിനു ശുപാർശ സമർപ്പിച്ചത്. കിലോമീറ്റർ ചാർജിലും വർധനവ് നിർദേശിക്കുന്നുണ്ട്.
ഓട്ടോറിക്ഷ മിനിമം ചാർജ് 20 രൂപയിൽനിന്ന് 30 രൂപയാക്കണമെന്നാണ് പ്രധാന ശുപാർശ. ടാക്സി നിരക്ക് 150 രൂപയിൽനിന്ന് 200 ആക്കണമെന്നുമാണ് കമ്മീഷൻ സമർപ്പിച്ച റിപ്പോർട്ടിൽ വ്യക്തമാക്കുന്നു. ഓട്ടോയ്ക്ക് 12 രൂപയും ടാക്സിക്ക് 15 രൂപയും ആക്കണമെന്നാണു ശുപാർശ.
ഇന്ധനവില വൻതോതിൽ വർധിക്കുന്ന സാഹചര്യത്തിലാണ് നടപടി. റിപ്പോർട്ട് അടുത്ത മന്ത്രിസഭാ യോഗം പരിഗണിച്ചേക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
