കേരള ശാസ്ത്ര സാങ്കേതിക പരിസ്ഥിതി കൗൺസിലിന് (KSCSTE) കീഴിലുള്ള തിരുവനന്തപുരം പാലോട് ജവഹർലാൽ നെഹ്‌റു ട്രോപ്പിക്കൽ ബോട്ടാണിക് ഗാർഡൻ ആൻഡ് റിസർച്ച് ഇൻസ്റ്റിറ്റ്യൂട്ടിൽ (JNTBGRI) വിവിധ തസ്തികകളിൽ നിയമനം നടത്തുന്നു. പ്രോജക്ട് ഫെല്ലോ, പ്രോജക്ട് അസിസ്റ്റന്റ് എന്നീ തസ്തികകളിലായി ആകെ 14 ഒഴിവുകളാണുള്ളത്. യോഗ്യരായ ഉദ്യോഗാർഥികൾക്ക് നവംബർ 23ന് നടക്കുന്ന അഭിമുഖത്തിൽ പങ്കെടുത്ത് നിയമനം നേടാം.

ഒഴിവുകളും ശമ്പളവും

• പ്രോജക്ട് ഫെല്ലോ: 10 ഒഴിവുകൾ, പ്രതിമാസം 32,560 രൂപ.

• പ്രോജക്ട് ഫെല്ലോ (പിഎച്ച്ഡി): 2 ഒഴിവുകൾ, പ്രതിമാസം 36,000 രൂപ.

• പ്രോജക്ട് അസിസ്റ്റന്റ്: 2 ഒഴിവുകൾ, പ്രതിമാസം 30,995 രൂപ.

നിയമനങ്ങൾ 2027 മാർച്ച് 31 വരെയാണ്. പിന്നീട് നീട്ടാൻ സാധ്യതയുണ്ട്.

യോഗ്യത

• പ്രോജക്ട് ഫെല്ലോ തസ്തികയിലേക്ക് ബയോടെക്‌നോളജി അല്ലെങ്കിൽ ബോട്ടണിയിൽ ഒന്നാം ക്ലാസോടെ എം.എസ്‌സി നേടിയവർക്ക് അപേക്ഷിക്കാം.

• ചെടികളെക്കുറിച്ചുള്ള പഠനത്തിലും വിവരങ്ങൾ ഡിജിറ്റലായി രേഖപ്പെടുത്തുന്നതിലും പരിചയമുള്ളവർക്ക് മുൻഗണന.

• പിഎച്ച്ഡി യോഗ്യതയുള്ള പ്രോജക്ട് ഫെല്ലോ തസ്തികയിലേക്ക് കെമിസ്ട്രി അല്ലെങ്കിൽ ലൈഫ് സയൻസിൽ പിഎച്ച്ഡി നേടിയവർക്ക് അപേക്ഷിക്കാം.

• ഫൈറ്റോകെമിക്കൽ പ്രൊഫൈലിങ്ങിലുള്ള പരിചയം അഭികാമ്യം.

• പ്രോജക്ട് അസിസ്റ്റന്റ് തസ്തികയിലേക്ക് ബോട്ടണിയിൽ ഒന്നാം ക്ലാസോടെ ബി.എസ്‌സി നേടിയിരിക്കണം. കമ്പ്യൂട്ടർ പരിജ്ഞാനം അഭികാമ്യമാണ്.

• എല്ലാ തസ്തികകളിലേക്കും പരമാവധി പ്രായപരിധി 40 വയസ്സാണ്. സംവരണ വിഭാഗങ്ങൾക്ക് ചട്ടപ്രകാരമുള്ള ഇളവുകൾ ലഭിക്കും.

എങ്ങനെ പങ്കെടുക്കാം?

ഔദ്യോഗിക വെബ്‌സൈറ്റായ www.jntbgri.res.in- ൽ നിന്ന് അപേക്ഷാഫോം ഡൗൺലോഡ് ചെയ്ത് പൂരിപ്പിക്കണം. പ്രായം, വിദ്യാഭ്യാസ യോഗ്യത, പ്രവൃത്തിപരിചയം, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം അപേക്ഷ സമർപ്പിക്കണം. അസൽ സർട്ടിഫിക്കറ്റുകളും പരിശോധനയ്ക്കായി കൊണ്ടുവരണം.

അഭിമുഖ തീയതി: 2026 നവംബർ 23

റിപ്പോർട്ടിങ് സമയം: രാവിലെ 10 മണി

വേദി: JNTBGRI, കരിമൺകോട് പി.ഒ., പാലോട്, തിരുവനന്തപുരം.

അപേക്ഷ സമർപ്പിക്കാനും കൂടുതൽ വിവരങ്ങൾക്കും വിജ്ഞാപനം സന്ദർശിക്കുക.

https://jntbgri.res.in/profile/notification-for-walkin-interview-23-11-2026/