ഓയിൽ പാം ഇന്ത്യ ലിമിറ്റഡിൽ സ്റ്റോർ കീപ്പർ തസ്തികയിൽ നിയമനം നടത്താനുള്ള വിജ്ഞാപനം പി എസ് സി പുറത്തിറക്കി. എൻജിനീയറിങ് ഡിപ്ലോമ ഉള്ളവർക്ക് അപേക്ഷിക്കാം. ബന്ധപ്പെട്ട മേഖലയിൽ പ്രവൃത്തി പരിചയം ആവശ്യമാണ്. അപേക്ഷകൾ സമർപ്പിക്കേണ്ട അവസാന തീയതി ഓഗസ്റ്റ് 5.

തസ്തിക: സ്റ്റോർ കീപ്പർ

സ്ഥാപനം: ഓയിൽ പാം ഇന്ത്യ ലിമിറ്റഡ്

കാറ്റഗറി നമ്പർ: 049/2026

നിയമന രീതി: നേരിട്ടുള്ള നിയമനം

ഒഴിവ്: 1

ശമ്പളം: ₹35,600 – ₹75,400

പ്രായപരിധി

• 18 മുതൽ 40 വയസ്സ് വരെ

• 02.01.1986 മുതൽ 01.01.2008 വരെ (രണ്ടു തീയതികളും ഉൾപ്പെടെ) ജനിച്ചവർക്ക് അപേക്ഷിക്കാം.

• സംവരണ വിഭാഗങ്ങൾക്ക് സർക്കാർ ചട്ടപ്രകാരമുള്ള വയസ്സിളവ് ലഭിക്കും.

വിദ്യാഭ്യാസ യോഗ്യത

• മെക്കാനിക്കൽ എൻജിനീയറിങിൽ ഡിപ്ലോമ

പ്രവൃത്തിപരിചയം

• സർക്കാർ/പൊതുമേഖല/കമ്പനീസ് ആക്ട് പ്രകാരം രജിസ്റ്റർ ചെയ്ത സ്ഥാപനത്തിന്റെ എൻജിനീയറിങ് യൂണിറ്റിലെ ടൂൾ റൂമിൽ (Tool Room) ഇൻവെന്ററി കൺട്രോളുമായി ബന്ധപ്പെട്ട 3 വർഷത്തെ പ്രവൃത്തിപരിചയം.

• പരിചയം അടിസ്ഥാന വിദ്യാഭ്യാസ യോഗ്യത നേടിയ ശേഷവും അപേക്ഷയുടെ അവസാന തീയതിക്ക് മുമ്പും നേടിയതായിരിക്കണം.

• അപേക്ഷ സമർപ്പിക്കുമ്പോൾ തന്നെ നിശ്ചിത മാതൃകയിലുള്ള പരിചയ സർട്ടിഫിക്കറ്റ് അപ്‌ലോഡ് ചെയ്യണം. ഇല്ലെങ്കിൽ അപേക്ഷ നിരസിക്കും.

അപേക്ഷ സമർപ്പിക്കേണ്ട വിധം

• കേരള PSCയുടെ One Time Registration (OTR) പ്രൊഫൈൽ വഴി ഓൺലൈനായി അപേക്ഷിക്കണം.

• അപേക്ഷാ ഫീസ് ഇല്ല.

• അവസാന തീയതി ഓഗസ്റ്റ് 5 (ബുധനാഴ്ച) രാത്രി 12 മണി വരെ

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.keralapsc.gov.in/sites/default/files/2026-06/noti-49-26.pdf