സംസ്ഥാനത്ത് ഇന്നും ഒറ്റപ്പെട്ട മഴയ്ക്ക് സാധ്യത. നാലു ജില്ലകളിൽ യെല്ലോഅലർട്ട്. ഒറ്റപ്പെട്ട ഇടങ്ങളില്‍ ഇടിമിന്നലോട് കൂടിയ മഴയ്ക്കും മണിക്കൂറില്‍ 40 കിലോമീറ്റര്‍ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു

സിപിഎം പാർട്ടി കോൺ​ഗ്രസിന് ഇന്ന് കൊടിയിറങ്ങും. സിപിഎമ്മിന്റെ ആറാമത്തെ ജനറൽ സെക്രട്ടറി ആരാകുമെന്ന് ഇന്നറിയാം. എം എ ബേബി ജനറൽ സെക്രട്ടറിയാകാൻ സാധ്യതയേറി. അശോക് ധാവ്ളെയുടെ പേര് ബം​ഗാൾ ഘടകം ഉന്നയിച്ചിട്ടുണ്ട്.

സിപിഎമ്മിന്റെ അടിത്തറ ദുർബലമാകുന്നുവെന്നും, അം​ഗങ്ങളുടെ കൊഴിഞ്ഞു പോക്ക് വർധിക്കുന്നുവെന്നും പാർട്ടി കോൺ​ഗ്രസിലെ പൊതു ചർച്ചയിൽ വിമർശനം ഉയർന്നു. അം​ഗങ്ങളുടെ കൊഴിഞ്ഞു പോക്ക് തടയാനായി അടുത്ത വർഷം അം​ഗത്വം പുതുക്കുന്നതിനു 5 മാനദണ്ഡങ്ങൾ കർശനമായി പാലിക്കണമെന്ന് തീരുമാനിച്ചു

എംപുരാന്റെ നിര്‍മ്മാതാവ് ആന്റണി പെരുമ്പാവൂരിനും ആദായനികുതി നോട്ടീസ്. ലൂസിഫര്‍, മരയ്ക്കാര്‍ അറബിക്കടലിന്റെ സിംഹം എന്നി സിനിമകളുടെ സാമ്പത്തിക ഇടപാടുകളില്‍ വ്യക്തത വരുത്തണമെന്ന് ആവശ്യപ്പെട്ടാണ് ആന്റണി പെരുമ്പാവൂരിന് ആദായനികുതി വകുപ്പ് നോട്ടീസ് നല്‍കിയത്

ഡ്രൈവർമാർ ഉറങ്ങിപ്പോയി അപകടങ്ങൾ സംഭവിക്കാതിരിക്കാൻ കെഎസ്ആർടിസി ബസുകളിൽ സെൻസർ കാമറകൾ സ്ഥാപിക്കുന്നു. ദീർഘദൂര ബസുകളിലാണ് ആദ്യം കാമറകൾ സ്ഥാപിയ്ക്കുന്നത്. ഘട്ടം ​ഘട്ടമായി മറ്റു ബസുകളിലും സൗകര്യം വരും

ഐബി ഉദ്യോഗസ്ഥ ട്രെയിന്‍ തട്ടി മരിച്ച സംഭവത്തില്‍ ഒളിവില്‍ കഴിയുന്ന സുകാന്ത് സുരേഷിനായി അന്വേഷണം മറ്റു സംസ്ഥാനങ്ങളിലേക്കും വ്യാപിപ്പിച്ചു. കേസിൽ സുകാന്തിനെതിരെ പൊലീസ് രണ്ട് വകുപ്പുകള്‍ കൂടി ചുമത്തി. വിവാഹ വാഗ്ദാനം നല്‍കി പീഡനം, പണം തട്ടിയെടുക്കല്‍ എന്നീ വകുപ്പുകളാണ് ചുമത്തിയത്.