കേരളത്തിലെ പുതിയ മുഖ്യമന്ത്രിയെ തെരഞ്ഞെടുക്കുന്നതുമായി ബന്ധപ്പെട്ട് കേന്ദ്ര നിരീക്ഷകര്‍ ഹൈക്കമാന്‍ഡിന് ഇന്ന് റിപ്പോര്‍ട്ട് നല്‍കും. സണ്ണി ജോസഫ് അടക്കം 8 പേര്‍ ആരെയും പിന്തുണച്ചില്ല. ടിസിഎസ് ലൈംഗികാതിക്രമക്കേസില്‍ ഒളിവിലായിരുന്ന നിദ ഖാന്‍ അറസ്റ്റിലായി. ഇന്നത്തെ 5 പ്രധാന വാര്‍ത്തകള്‍ ( Top 5 News Today ) അറിയാം

കേരളത്തിലെ പുതിയ മുഖ്യമന്ത്രിയെ തെരഞ്ഞെടുക്കുന്നതുമായി ബന്ധപ്പെട്ട് കേന്ദ്ര നിരീക്ഷകര്‍ കോൺ​ഗ്രസ് ഹൈക്കമാന്‍ഡിന് ഇന്ന് റിപ്പോര്‍ട്ട് നല്‍കും. എംഎൽഎമാരോട് കേന്ദ്ര നിരീക്ഷകർ രണ്ടു ചോദ്യങ്ങളാണ് ചോദിച്ചത്. 8 എംഎൽഎമാർ നിഷ്പക്ഷത പാലിച്ചു.

നാസിക്കിലെ ടാറ്റ കൺസൾട്ടൻസി സർവീസിലെ (ടിസിഎസ്) ലൈം​ഗികാതിക്രമ കേസിലെ പ്രധാന പ്രതിയായ എച്ചആർ മാനേജർ നിദ ഖാൻ അറസ്റ്റിൽ. ഛത്രപതി സാംബാജി നഗറിൽ നിന്നാണ് അറസ്റ്റ് ചെയ്തത്. ലൈംഗിക പീഡനം, നിർബന്ധിത മതപരിവർത്തനം എന്നീ കേസുകളുമായി ബന്ധപ്പെട്ടാണ് നിദ ഖാന്റെ അറസ്റ്റ്. 25 ദിവസമായി ഒളിവിൽ കഴിയുകയായിരുന്നു.

സംസ്ഥാനത്ത് ഇന്നും ഒറ്റപ്പെട്ട ശക്തമായ മഴയ്ക്ക് സാധ്യത. ഇന്ന് നാലു ജില്ലകളില്‍ യെല്ലോ അലര്‍ട്ട് പുറപ്പെടുവിച്ചിട്ടുണ്ട്. തെക്കുകിഴക്കന്‍ അറബിക്കടലിനും ലക്ഷദ്വീപിനും മുകളിലായി, തെക്കന്‍ കേരള തീരത്തോട് ചേര്‍ന്ന് ചക്രവാതചുഴി സ്ഥിതി ചെയ്യുന്നു. കര്‍ണാടകയുടെയും മഹാരാഷ്ട്രയുടെയും ഉയരത്തിലായി ന്യൂനമര്‍ദ്ദ പാത്തി നിലനില്‍ക്കുന്നു.

സോഷ്യല്‍ മീഡിയയില്‍ ചര്‍ച്ചയായി മാറിയിരിക്കുകയാണ് നടൻ കൃഷ്ണകുമാറിന്റെ ഇളയ മകള്‍ ഹന്‍സിക കൃഷ്ണയുടെ ഒരു വിഡിയോ. ബോള്‍ഡ് ലുക്കിലാണ് വിഡിയോയില്‍ ഹന്‍സികയെത്തുന്നത്. ഇന്‍സ്റ്റഗ്രാം സബ്‌സ്‌ക്രൈബേഴ്‌സിനായി ഹന്‍സിക പങ്കുവച്ച എക്‌സ്‌ക്ലൂസീവ് വിഡിയോയാണെന്നും അത് ലീക്കായതാണെന്നുമാണ് പറയപ്പെടുന്നത്.

ജോലിയിൽ ഉയർച്ച നേടും. പുതിയ തീരുമാനങ്ങ ൾ ആത്മവിശ്വാസം വർധിപ്പിക്കും. സാമ്പത്തിക കാര്യങ്ങളിൽ അനുകൂലമായ മാറ്റങ്ങൾ കാണാം. സുഹൃത്തുക്കളുമായി കൂടിക്കാഴ്ചകൾ നടക്കും. പുതിയ ആശയങ്ങൾ പ്രവർത്തനങ്ങളിൽ നേട്ടമുണ്ടാക്കും.