അബുദാബി: വിമാനയാത്രക്കാർക്ക് ഏറെ ഇഷ്ടം ഇ​ത്തി​ഹാ​ദ് എ​യ​ര്‍വേ​സ് ആണോ? കമ്പനിയുടെ കണക്കുകൾ അങ്ങനെ ആണ് അവകാശപ്പെടുന്നത്. 2025ലെ ​ആ​ദ്യ അ​ഞ്ചു​മാ​സം 84 ല​ക്ഷം പേരാണ് ഇ​ത്തി​ഹാ​ദി​ന്റെ വി​മാ​ന​ങ്ങ​ളി​ൽ യാത്ര ചെയ്തത്. യാ​ത്രി​ക​രു​ടെ എ​ണ്ണ​ത്തി​ല്‍ മു​ന്‍ വ​ര്‍ഷ​ങ്ങളെ അ​പേ​ക്ഷി​ച്ച് 17 ശ​ത​മാ​നം വ​ര്‍ധ​ന​വ് ഉണ്ടായെന്നാണ് ഇ​ത്തി​ഹാ​ദ് എ​യ​ര്‍വേ​സ് ( Etihad Airways ) പു​റ​ത്തു​വി​ട്ട ട്രാ​ഫി​ക് സ്റ്റാ​റ്റി​സ്റ്റി​ക്സ് റിപ്പോർട്ടിൽ പറയുന്നു.

മെ​യ് മാ​സത്തെ മാത്രം കണക്കെടുത്താൽ 17 ല​ക്ഷം പേരാണ് ഇ​ത്തി​ഹാ​ദിലൂടെ യാത്ര ചെയ്തത്. യാത്രക്കാരുടെ എണ്ണം വൻ തോതിൽ കൂടിയതിയതിനെ തുടർന്ന് പു​തി​യ വി​മാ​ന​ങ്ങ​ള്‍ ക​മ്പ​നി അ​ടു​ത്തി​ടെ പു​റ​ത്തി​റ​ക്കി​യി​രു​ന്നു. നിലവിൽ 100 വി​മാ​ന​ങ്ങ​ളാ​ണ് ഇ​ത്തി​ഹാ​ദി​നു​ള്ള​ത്. യാത്രക്കാരുടെ എണ്ണം കൂടുന്ന സാഹചര്യത്തിൽ ഇനിയും വിമാനങ്ങളുടെ എണ്ണം വർധിപ്പിക്കാനാണ് കമ്പനിയുടെ ആലോചന.

വരുന്നു പൈലറ്റ് ഇല്ലാത്ത എയർ ടാക്സികൾ, പരീക്ഷണപറക്കൽ തുടങ്ങി ! (വീഡിയോ കാണാം )

പ​ശ്ചി​മേ​ഷ്യ​യി​ല്‍ അ​തി​വേ​ഗം വ​ള​രു​ന്ന എ​യ​ര്‍ലൈ​ന്‍ ഇ​ത്തി​ഹാ​ദ് ആണെന്നും അതിനുള്ള തെളിവാണ് യാത്രക്കാരുടെ ഈ വർദ്ധനവ് എന്നും ഇ​ത്തി​ഹാ​ദ് എ​യ​ര്‍വേ​സ് സി ഇ ഒ അ​ന്റ​നോ​ല്‍ഡോ നെ​വ​സ് പ​റ​ഞ്ഞു. യാത്രക്കാരുടെ എണ്ണം കണക്കിലെടുത്തു കൂടുതൽ തൊഴിൽ അവസരങ്ങളും ഇ​ത്തി​ഹാ​ദ് എ​യ​ര്‍വേ​സിൽ ഉണ്ടായിട്ടുണ്ട്.

ഈ ​വ​ര്‍ഷം അ​വ​സാ​ന​ത്തോ​ടെ 1500ലേ​റെ ജീവനക്കാരെ റി​ക്രൂ​ട്ട് ചെ​യ്യു​മെ​ന്നാണ് അധികൃതർ പറയുന്നത്. ഈ ​വ​ര്‍ഷം ഇതുവരെ പുതുതായി 1685 പേർക്ക് കമ്പനി തൊഴിൽ നൽകി. ഇതിനു പുറമെ ആണ് മറ്റൊരു റിക്രൂട്മെന്റിനുള്ള നീക്കം നടത്തുന്നത്. പൈ​ല​റ്റ്, കാ​ബി​ന്‍ ക്രൂ, ​എ​ന്‍ജി​നീ​യ​ർ എന്നീ തസ്തികകളിലായിരിക്കും തൊഴിലവസരങ്ങളുണ്ടാകുക എന്നാണ് സൂചന.

കനത്ത ചൂട്: തൊഴിലാളികൾക്ക് 'മധ്യാഹ്ന വിശ്രമം' നടപ്പിലാക്കി യുഎഇ

12,000ത്തോ​ളം ജീ​വ​ന​ക്കാ​രാ​ണ് നിലവിൽ ഇ​ത്തി​ഹാ​ദി​നു​ള്ള​ത്. 2030ഓ​ടെ ക​മ്പ​നി​യു​ടെ വി​മാ​ന​ങ്ങ​ളു​ടെ എ​ണ്ണം ഇ​ര​ട്ടി​യാ​ക്കുന്നതിനുള്ള നീക്കങ്ങളും സജീവമാണ്. ഇതോടെ നി​ല​വി​ലെ ജീ​വ​ന​ക്കാ​രു​ടെ എ​ണ്ണ​വും ഇ​ര​ട്ടി​യാ​വു​മെ​ന്നാ​ണ് കണക്കുകൂട്ടുന്നത്. ക​ഴി​ഞ്ഞ​വ​ര്‍ഷം മാ​ത്രം പുതുതായി 16 കേ​ന്ദ്ര​ങ്ങ​ളി​ലേ​ക്ക് കൂടി ഇ​ത്തി​ഹാ​ദ് സ​ര്‍വീ​സ് ആരംഭിച്ചിരുന്നു.

ഗാസയിലെ സ്ഫോടനത്തിൽ കണ്ണ് തകർന്ന ഏ​ഴു​വ​യ​സ്സുകാ​ര​ന് കൈത്താങ്ങായി സൗദി രാജാവ്