ഒരേ പൂവിലെ
ഇതളുകള്ക്കിടയിലും
തിരിവുകളുണ്ട്.
പല നിറങ്ങള്.
പല ആകാരങ്ങള്.
ഒരേ പൂവിലെ
ഇതളുകള്ക്കിടയിലും
അതിരുകളുണ്ട്.
നേര്ത്തതെങ്കിലും
വ്യക്തം.
നനുത്തതെങ്കിലും
കൃത്യം.
പൂക്കള് നിര്ത്താതെ ചിരിച്ചുകൊണ്ടിരിക്കുന്നു.
തനിലോകങ്ങളില്
അവ ഒന്നിച്ചിരിക്കുന്നു.
കയ്യും കാലും കണ്ണും
നെല്ലിട ഏറിപ്പോകാതെ,
തല്ലും പിടിയുമില്ലാതെ,
അതിരുകള് മാനിച്ച്...
തിരിവുകള് പുണര്ന്ന്...
പൂക്കള് നിര്ത്താതെ
ചിരിച്ചുകൊണ്ടിരിക്കുന്നു.
ചിരിത്തിരികള് പൂമ്പാറ്റകള്ക്ക്
ദാനം കൊടുക്കുന്നു.
പൂമ്പാറ്റകള് പോകുംവഴിയെല്ലാം
പൂത്തിരികള് കത്തുന്നു.
പൂക്കള് ചിരിക്കാന്തുടങ്ങുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates