വന്ദേ ഭാരത് ട്രെയിനുകളിൽ യാത്ര പുറപ്പെടുന്നതിന് 15 മിനിറ്റ് മുമ്പ് വരെ ടിക്കറ്റ് ബുക്ക് ചെയ്യാം. ട്രെയിൻ പുറപ്പെടുന്നതിന് തൊട്ടുമുൻപ് വരെ കറന്റ് റിസർവേഷൻ കൗണ്ടറുകളിൽ നിന്നോ ഓൺലൈനായോ ടിക്കറ്റ് എടുക്കാവുന്നതാണ്. സീറ്റിന്റെ ലഭ്യത അനുസരിച്ചാണ് ഒരോ സ്റ്റേഷനിൽ നിന്നും ടിക്കറ്റ് ലഭിക്കുക.8 വന്ദേഭാരത് ട്രെയിനുകളിലാണ് ബുക്ക് ചെയ്യാനുള്ള സൗകര്യമുള്ളത് ഇന്ത്യൻ റെയിൽവേ ഒരുക്കിയിരിക്കുന്നത്. കേരളത്തിൽ ഓടുന്ന രണ്ട് വന്ദേഭാരത് ട്രെയ്നുകളിലും ഈ സൗകര്യം ലഭിക്കും. കേരളത്തിന് പുറമേയുള്ള ചെന്നൈ- നാഗര്‍കോവില്‍, നാഗര്‍കോവില്‍-ചെന്നൈ, കോയമ്പത്തൂര്‍-ബംഗലൂരു, മംഗളൂരു- മഡ്ഗാവ്, മധുര -ബംഗലൂരു, ചെന്നൈ- വിജയവാഡ എന്നീ സതേൺ റിയിൽവേയുടെ കീഴിലുള്ള വന്ദേഭാരത് ട്രെയിനുകളിലും 15 മിനിറ്റ് മുൻപ് ടിക്കറ്റ് ബുക്ക് ചെയ്ത് യാത്ര ചെയ്യാവുന്നതാണ്.ഈ സൗകര്യം ഉപയോഗിച്ച്, യാത്രക്കാർക്ക് ട്രെയിൻ പുറപ്പെടുന്നതിന് തൊട്ടുമുൻപ് വരെ ടിക്കറ്റ് എടുക്കാനും യാത്ര ചെയ്യാനും കഴിയും.