CWC: സെൻട്രൽ വെയർഹൗസിംഗ് കോർപ്പറേഷനിൽ അവസരം; യങ് പ്രൊഫഷണൽ തസ്തിക, പ്രവൃത്തിപരിചയം വേണ്ട!

കേന്ദ്ര സർക്കാരിന് കീഴിലുള്ള നവരത്ന പൊതുമേഖലാ സ്ഥാപനമായ സെൻട്രൽ വെയർഹൗസിംഗ് കോർപ്പറേഷൻ (CWC) യങ് പ്രൊഫഷണൽ തസ്തികകളിലേക്ക് നിയമനം നടത്തുന്നു. വിവിധ വിഭാഗങ്ങളിലായി ആകെ 6 ഒഴിവുകളാണുള്ളത്.

ആദ്യഘട്ടത്തിൽ രണ്ട് വർഷത്തേക്കായിരിക്കും നിയമനം . ഉദ്യോഗാർഥിയുടെ പ്രവർത്തന മികവും കോർപ്പറേഷന്റെ ആവശ്യവും പരിഗണിച്ച് ഒരു വർഷം കൂടി കരാർ ദീർഘിപ്പിക്കാം. ബിരുദം മുതൽ യോഗ്യതയുള്ളവർക്ക് അപേക്ഷിക്കാം. താൽപര്യമുള്ളവർക്ക് ജൂലൈ 22 നകം അപേക്ഷ സമർപ്പിക്കണം.

ഒഴിവുകളുടെ വിശദാംശങ്ങൾ

1. യങ് പ്രൊഫഷണൽ (ലേർണിംഗ് & ഡെവലപ്മെന്റ്)

• ഒഴിവ്: 1

• ജോലിസ്ഥലം: CWC കോർപ്പറേറ്റ് ഓഫീസ്, ന്യൂഡൽഹി, കൂടാതെ CWC ട്രെയിനിംഗ് ഇൻസ്റ്റിറ്റ്യൂട്ടായ IGMRI, ഹാപൂർ.

• വിദ്യാഭ്യാസ യോഗ്യത: ഹ്യൂമൻ റിസോഴ്‌സിൽ സ്പെഷ്യലൈസേഷനോടുകൂടിയ ഫുൾടൈം MBA/PGDM.

• പ്രവൃത്തിപരിചയം: ലേർണിംഗ് & ഡെവലപ്മെന്റ്/ട്രെയിനിംഗ് മേഖലയിൽ 0 മുതൽ 3 വർഷം വരെ അല്ലെങ്കിൽ അതിൽ കൂടുതലുള്ള പ്രവൃത്തിപരിചയം.

2. യങ് പ്രൊഫഷണൽ (PCS മാർക്കറ്റിംഗ്)

ഒഴിവ്: 1

ജോലിസ്ഥലം: CWC റീജിയണൽ ഓഫീസ്, പട്‌ന.

വിദ്യാഭ്യാസ യോഗ്യത: അംഗീകൃത സർവകലാശാലയിൽ നിന്ന് എന്റമോളജി ഉൾപ്പെടുന്ന ബി.എസ്.സി അഗ്രികൾച്ചർ.

മുൻഗണന: എം.ബി.എ (മാർക്കറ്റിംഗ്) യോഗ്യതയോ പെസ്റ്റ് കൺട്രോൾ/സർവീസ് മേഖലയിലെ പ്രവൃത്തിപരിചയമോ ഉള്ളവർക്ക് മുൻഗണന ലഭിക്കും.

പ്രവൃത്തിപരിചയം: പെസ്റ്റ് കൺട്രോൾ/സർവീസ് മേഖലയിലെ 0 മുതൽ 3 വർഷം വരെ അല്ലെങ്കിൽ അതിൽ കൂടുതലുള്ള പ്രവൃത്തിപരിചയം ഉണ്ടായിരിക്കണം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

3. യങ് പ്രൊഫഷണൽ (മാർക്കറ്റിംഗ് & ബിസിനസ് ഡെവലപ്മെന്റ്)

ഒഴിവ്: 2

ജോലിസ്ഥലം: CWC റീജിയണൽ ഓഫീസ്, ഹൈദരാബാദ്.

വിദ്യാഭ്യാസ യോഗ്യത: ജനറൽ മാനേജ്മെന്റ്, മാർക്കറ്റിംഗ്, ലോജിസ്റ്റിക്സ്, സപ്ലൈ ചെയിൻ മാനേജ്മെന്റ്, സെയിൽസ് & മാർക്കറ്റിംഗ് മാനേജ്മെന്റ് എന്നിവയിൽ ഏതെങ്കിലും വിഷയത്തിൽ രണ്ടുവർഷത്തെ ഫുൾടൈം പി.ജി ഡിഗ്രി/പി.ജി ഡിപ്ലോമ.

പ്രവൃത്തിപരിചയം: വെയർഹൗസിംഗ് അല്ലെങ്കിൽ ലോജിസ്റ്റിക്സ് മേഖലയിൽ 0 മുതൽ 3 വർഷം വരെ അല്ലെങ്കിൽ അതിൽ കൂടുതലുള്ള പ്രവൃത്തിപരിചയം ഉണ്ടായിരിക്കണം.

4. യങ് പ്രൊഫഷണൽ (മാർക്കറ്റിംഗ് & ബിസിനസ് ഡെവലപ്മെന്റ് )

ഒഴിവ്: 2

ജോലിസ്ഥലം: CWC റീജിയണൽ ഓഫീസ്, ജയ്പൂർ.

വിദ്യാഭ്യാസ യോഗ്യത: ജനറൽ മാനേജ്മെന്റ്, മാർക്കറ്റിംഗ്, ലോജിസ്റ്റിക്സ്, സപ്ലൈ ചെയിൻ മാനേജ്മെന്റ്, സെയിൽസ് & മാർക്കറ്റിംഗ് മാനേജ്മെന്റ് എന്നിവയിൽ ഏതെങ്കിലും വിഷയത്തിൽ രണ്ടുവർഷത്തെ ഫുൾടൈം പി.ജി ഡിഗ്രി/പി.ജി ഡിപ്ലോമ.

പ്രവൃത്തിപരിചയം: വെയർഹൗസിംഗ് അല്ലെങ്കിൽ ലോജിസ്റ്റിക്സ് മേഖലയിലെ 0 മുതൽ 3 വർഷം വരെ അല്ലെങ്കിൽ അതിൽ കൂടുതലുള്ള പ്രവൃത്തിപരിചയം ഉണ്ടായിരിക്കണം.

പ്രായപരിധി

എല്ലാ തസ്തികകൾക്കും പരമാവധി 35 വയസാണ്. പ്രായവും വിദ്യാഭ്യാസ യോഗ്യതയും പ്രവൃത്തിപരിചയവും 2026 ജൂലൈ 22 അടിസ്ഥാനമാക്കിയാണ് കണക്കാക്കുക.

പ്രധാന ചുമതലകൾ

• Learning & Development: പരിശീലന പരിപാടികൾ ആസൂത്രണം ചെയ്യുക, പരിശീലന ആവശ്യങ്ങൾ വിലയിരുത്തുക, ട്രെയിനിംഗ് കലണ്ടർ തയ്യാറാക്കുക, Learning Management System, iGOT Karmayogi Portal എന്നിവയുടെ പ്രവർത്തനങ്ങളെ സഹായിക്കുക.

• PCS Marketing: പെസ്റ്റ് കൺട്രോൾ സേവനങ്ങൾക്ക് പുതിയ ഉപഭോക്താക്കളെ കണ്ടെത്തുക, ടെൻഡറുകൾ തയ്യാറാക്കുക, മാർക്കറ്റിംഗ് പ്രവർത്തനങ്ങൾ ഏകോപിപ്പിക്കുക, വിപണി പഠനം നടത്തുക.

• Marketing & Business Development: വെയർഹൗസിംഗ്, ലോജിസ്റ്റിക്സ് മേഖലകളിൽ പുതിയ ബിസിനസ് അവസരങ്ങൾ കണ്ടെത്തുക, കർഷകർ, FPO, ബാങ്കുകൾ, ഇ-കൊമേഴ്‌സ് സ്ഥാപനങ്ങൾ, ലോജിസ്റ്റിക്സ് കമ്പനികൾ തുടങ്ങിയവരുമായി സഹകരണം ഉറപ്പാക്കുക, വിപണന പ്രവർത്തനങ്ങൾ ഏകോപിപ്പിക്കുക.

തെരഞ്ഞെടുപ്പ് രീതി

യോഗ്യത, പ്രവൃത്തിപരിചയം, അപേക്ഷയിലെ വിവരങ്ങൾ എന്നിവയുടെ അടിസ്ഥാനത്തിൽ ഉദ്യോഗാർഥികളെ ഷോർട്ട്‌ലിസ്റ്റ് ചെയ്യും. തുടർന്ന് കോർപ്പറേഷൻ നിശ്ചയിക്കുന്ന തിരഞ്ഞെടുപ്പ് നടപടികൾ പൂർത്തിയാക്കിയ ശേഷമായിരിക്കും അന്തിമ നിയമനം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://cwceportal.com/YPcareers/Guidelines.pdf