മാസ്റ്റര്‍ പീസിലെ അഭിനയത്തിന് ഉണ്ണി മുകുന്ദനെ അഭിനന്ദിച്ച് നടന്‍ സിദ്ധിഖ്. ഉണ്ണി മുകുന്ദന്‍ തന്നെയാണ് ഫെയ്‌സ്ബുക്ക് പോസ്റ്റിലൂടെ ഇക്കാര്യം അറിയിച്ചത്.
ജോണ്‍ തെക്കന്‍ എന്ന പൊലീസുകാരനെയാണ് മാസ്റ്റര്‍ പീസില്‍ ഉണ്ണി മുകുന്ദന്‍ അവതരിപ്പിച്ചത്. ഇതില്‍ അഭിനന്ദിച്ച് ഒട്ടേറെപ്പേര്‍ വിളിച്ചതായും അതില്‍ ഏറ്റവും പ്രധാനം സിദ്ധിഖിന്റെ ഫോണ്‍ കോള്‍ ആയിരുന്നെന്നും ഉണ്ണി അറിയിച്ചു. സിദ്ധിഖ് ചേട്ടന്റെ വാക്കുകള്‍ ഏറെ വിലപ്പെട്ടതാണ്. ഇത് തന്നെപ്പോലുള്ളവര്‍ക്ക് ഏറെ ആത്മവിശ്വാസവും പ്രോത്സാഹനവും നല്‍കും- ഉണ്ണി പോസ്റ്റില്‍ പറഞ്ഞു.
മാസ്റ്റര്‍പീസ് തിയറ്ററുകളില്‍ മികച്ച പ്രതികരണത്തോടെ മുന്നേറുകയാണെന്നാണ് റിപ്പോര്‍ട്ടുകള്‍. ക്രിസ്മസ് ചിത്രങ്ങളില്‍ കളക്ഷനില്‍ മുന്‍പന്തിയിലേക്ക് മാസ്റ്റര്‍ പീസ് മുന്നേറുമെന്നാണ് സൂചനകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
