മണികര്‍ണിക; ദി ക്യൂന്‍ ഓഫ് ഝാന്‍സി എന്ന സിനിമയുടെ ചിത്രീകരണത്തിനിടെ ബോളിവുഡ് താരം കങ്കണയ്ക്ക് ഗുരുതര പരിക്ക്. വാള്‍ പയറ്റ് ചിത്രീകരിക്കുന്നതിന് ഇടയിലാണ് താരത്തിന് പരിക്കേറ്റത്.
സംഘട്ടനം ചിത്രീകരിക്കുന്നതിന് ഇടയില്‍ സഹതാരം നിഹര്‍ പാണ്ഡ്യയുടെ കൈയ്യിലുണ്ടായിരുന്നു വാള്‍ നെറ്റിയില്‍ കൊണ്ട് മുറിയുകയായിരുന്നു എന്നാണ് റിപ്പോര്‍ട്ട്. രക്തം പോകുന്നത് നില്‍ക്കാത്തതിനെ തുടര്‍ന്ന് ഹൈദരാബാദിലെ അപ്പോളോ ആശുപത്രിയില്‍ പ്രവേശിപ്പിച്ച കങ്കണ ഇപ്പോള്‍ ഐസിസിയുവിലാണ്. താരത്തിന്റെ ആരോഗ്യനില ഇപ്പോള്‍ തൃപ്തികരമാണെന്ന് ഡോക്ടര്‍മാര്‍ അറിയിച്ചു.
നെറ്റിയില്‍ 15 സ്റ്റിച്ചുകളാണുള്ളത്. ഏതാനും ദിവസങ്ങള്‍ താരത്തിന് ആശുപത്രിയില്‍ കഴിയേണ്ടി വരും. മുറിവ് ആഴത്തിലുള്ളതാണെന്ന്‌ ഡോക്ടര്‍മാര്‍ പറഞ്ഞു. എന്നാല്‍ നേരിയ വ്യത്യാസത്തില്‍ മുറിവ് എല്ലിനെ തൊടാതെ പോയത് ഭാഗ്യമായെന്നും ഡോക്ടര്‍മാര്‍ പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
