യുവതാരം നിവിന് പോളിയേയും തെന്നിന്ത്യന് ലേഡി സൂപ്പര്സ്റ്റാര് നയന്താരയേയും പ്രധാന കഥാപാത്രങ്ങളാക്കി ഒരുക്കുന്ന ചിത്രത്തിന്റെ ഷൂട്ടിംഗ് മെയില് ആരംഭിക്കും. ധ്യാന് ശ്രീനിവാസന്റെ ആദ്യ സംവിധാന സംരംഭമായ ചിത്രം ലൗ ആക്ഷന് ഡ്രാമയായിരിക്കുമെന്നാണ് റിപ്പോര്ട്ടുകള്. ഒരു കാലത്ത് മലയാള സിനിമ മേഖല അടക്കി വാണിരുന്ന മെറിലാന്ഡ് സിനിമാസിന്റെ നിര്മാതാവ് സുബ്രഹ്മണ്യത്തിന്റെ കൊച്ചുമകന് വിശാഖ് സുബ്രഹ്മണ്യനും നടന് അജു വര്ഗീസും ചേര്ന്നാണ് സിനിമ നിര്മിക്കുന്നത്.
ധ്യാന് ശ്രീനിവാസന്റെ കഥ കേട്ടതോടെയാണ് വിശാഖും അജുവും ചിത്രം നിര്മിക്കാന് തീരുമാനിച്ചത്. നിവിനും സിനിമയ്ക്ക് ഓകെ പറഞ്ഞു. ചിത്രത്തില് നായികയായി നയന്താരയെ വേണമെന്ന അഭിപ്രായത്തിലായിരുന്നു എല്ലാവരും എന്നാല് നയന്താര തയാറാവുമോ എന്ന സംശയമുണ്ടായിരുന്നു. കഥ പറയാന് ധ്യാന് നയന്താരയെ വിളിച്ചപ്പോള് കഥ ഇഷ്ടമായില്ലെങ്കില് നോ പറയും എന്നാണ് താരം വ്യക്തമാക്കിയത്. കഥ പറയാന് ധ്യാനിന് 30 മിനിറ്റും നല്കി. ആദ്യ 10 മിനിറ്റില് നയന്താര വളരെ ഗൗരവത്തോടെയാണ് കഥ കേട്ടത്. പിന്നീട് നയന്താരയെ ചിരിപ്പിച്ചതോടെ താരം സിനിമയ്ക്ക് ഓകെ പറയുകയായിരുന്നു.
നയന്താരയുടെ നായകനാകുന്നതിനായി ശരീര ഭാരം കുറച്ചുകൊണ്ടിരിക്കുകയാണ് നിവിന് പോളി. മേയില് ഷൂട്ടിംഗ് ആരംഭിച്ച് ഈ വര്ഷം അവസാനത്തോടെ തീയെറ്ററില് എത്തിക്കാനാവുമെന്ന പ്രതീക്ഷയിലാണ് അണിയറ പ്രവര്ത്തകര്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ