ആലിയ ഭട്ടിന്റെ പുതിയ ചിത്രം റാസിയുടെ ട്രെയിലറിന് ശേഷം മനോഹരമായ ഗാനവും പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍. ദില്‍ബാരോ എന്ന മനോഹര ഗാനം ആലപിച്ചിരിക്കുന്നത് ഹര്‍ഷ് ദീപ് കൗറാണ്. ഗുല്‍സാറിന്റെ വരികള്‍ക്ക് ശങ്കര്‍ എഹ്‌സാന്‍ ലോയാണ് സംഗിതം നല്‍കിയിരിക്കുന്നത്.
മേഘ്‌ന ഗുല്‍സാറാണ് സംവിധാനം ചെയ്യുന്ന ഈ ചിത്രത്തില്‍ പാക്കിസ്ഥാനി ആര്‍മി ഓഫീസറെ വിവാഹം കഴിക്കുന്ന ഇന്ത്യന്‍ ചാരയുടെ വേഷമാണ് ആലിയക്ക്. ആലിയയും കുടുംബവും തമ്മിലുള്ള വികാരഭരിതമായ വിവാഹചടങ്ങാണ് ഗാനത്തിന്റെ പശ്ചാത്തലം. ചിത്രത്തില്‍ ഞെട്ടിക്കുന്ന മേക്കോവറിലാണ് ആലിയ എത്തുന്നത്.
ഹരീന്ദര്‍ സിംഗ് സിക്കയുടെ പ്രശസ്ത നോവലായ സെഹ്മത്തിന്റെ ദൃശ്യാവിഷ്‌കാരമായ റാസി 1971ലെ ഇന്ത്യ പാകിസ്ഥാന്‍ യുദ്ധത്തെക്കുറിച്ചാണ് പറയുന്നത്. പാകിസ്ഥാനിലേക്ക് വിവാഹം ചെയ്യപ്പെട്ട കശ്മീരി പെണ്‍കുട്ടി ഇന്ത്യയ്ക്ക് വേണ്ടി ചാരവൃത്തി ചെയ്യേണ്ടി വരുന്ന അവസ്ഥയെയാണ് റാസിയില്‍ തുറന്നു കാണിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
