പ്രളയക്കെടുതിയിൽ കേരളത്തിന് കൈത്താങ്ങായി വിജയ് ഫാന്സ് അസോസിയേഷന്റെ നേതൃത്വത്തില് നടത്തിയ പ്രവർത്തനങ്ങൾ ഏറെ ചർച്ചചെയ്യപ്പെട്ടിരുന്നു. 70 ലക്ഷം രൂപ ഫാൻസ് വഴി വിജയ് കേരളത്തിലെ ദുരിതബാധിതർക്കായി നൽകിയെന്ന് തമിഴ് വാർത്താ ചാനൽ റിപ്പോർട്ട് ചെയ്തിരുന്നു. ഇതിന് പുറമെ തമിഴ്നാട്ടിൽ നിന്ന് ഫാൻസ് അസോസിയേഷന്റെ നേതൃത്വത്തിൽ ലോറികളിൽ കേരളത്തിലേക്ക് അവശ്യ വസ്തുക്കൾ എത്തിക്കുന്ന വീഡിയോയും ഇപ്പോൾ പുറത്തുവന്നിട്ടുണ്ട്.
വിജയ് ആരാധകർ തന്നെയാണ് ട്വിറ്ററിൽ വിഡിയോ പോസ്റ്റ് ചെയ്ത്. 'രോമങ്ങള് എഴുന്നേറ്റ് നില്ക്കുന്നു' എന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്. കേരളത്തിലെത്തി സന്നദ്ധപ്രവർത്തനങ്ങൾ നടത്താനും തമിഴ്നാട്ടിലെ വിജയ്ഫാൻസ് അസോസിയേഷൻ തീരുമാനിച്ചിരുന്നു. താരവും ഫാൻസ് അംഗങ്ങളും തങ്ങൾക്കൊപ്പം നിൽക്കുന്നതിന്റെ നന്ദിയും കടപ്പാടും കേരളത്തിലുള്ള വിജയ് ആരാധകർ സമൂഹമാധ്യമങ്ങളിലൂടെ താരത്തെ അറിയിക്കുകയും ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ