തന്റെ ബാല്യകാല ചിത്രത്തെ വിരൂപമെന്ന് വിശേഷിപ്പിച്ച മാധ്യമസ്ഥാപനത്തിന് ബോളിവുഡ് താരം ദിഷാ പഠാനിയുടെ മറുപടി. ചാനലിന്റെ ട്വിറ്ററില് വാര്ത്ത പങ്കുവച്ചപ്പോള് നല്കിയ വിശദീകരണത്തിലാണ് ഇത്തരത്തില് വിവരണം നല്കിയത്. ന്യൂസ് 24 ആണ് ഇത്തരത്തില് വാര്ത്ത പ്രസിദ്ധീകരിച്ചത്. പിന്നീട് ഈ പരാമര്ശം ഉള്പ്പെട്ട ട്വീറ്റ് ചാനല് പിന്വലിച്ചെങ്കുലും അതിനുള്ളില് ട്വീറ്റ് വളരെയധികം വ്യാപിച്ചിരുന്നു.
' നിങ്ങള് പറഞ്ഞത് വളരെ ശരീയാണ് ന്യൂസ് 24! ഏഴാം ക്ലാസിലേക്ക് പോകുന്നതിന് മുമ്പ് ഞാന് വളരെ മികച്ച ഹെയര്സ്റ്റൈലും മേക്കപ്പും തിരഞ്ഞെടുക്കുകയും മനോഹരമായ ഒരു ഗൗണ് ധരിക്കുകയും ചെയ്യേണ്ടതായിരുന്നു. വിരൂപയായ ഒരു കുട്ടിയായിരുന്നതില് ക്ഷമിക്കുക. നിങ്ങള്ക്ക് ഇതിലും മികച്ച ബ്രേക്കിങ് ന്യൂസ് ഒന്നും കിട്ടാനില്ലായിരുന്നോ?', ന്യൂസ് 24നെ ടാഗ് ചെയ്ത് ദിഷ എഴുതിയ ട്വീറ്റില് താരം കുറിച്ചു.
എം എസ് ധോണി: ദി അണ്ടോള്ഡ് സ്റ്റോറിയിലൂടെ ബോളിവുഡിലെത്തിയ ദിഷ കൂങ് ഫു യോഗയിലും നായികയായിരുന്നു. ബാഗി2 ആണ് ദിഷയുടെ പുറത്തുവരാനിരിക്കുന്ന ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ