മലയാള സിനിമയില് ഇതുവരെ കാണാത്ത വ്യത്യസ്ത പ്രമേയത്തിലും അവതരണ രീതിയിലും ഇറങ്ങിയ സൂപ്പര് ഹിറ്റ് ചിത്രങ്ങളാണ് പ്രേമവും, നേരവും. ഇതിന് ശേഷം പ്രേമം ടീം കൂട്ടുകെട്ടില് പുതിയ ചിത്രവുമായി വീണ്ടുമെത്തുകയാണ് അല്ഫോന്സ് പുത്രന്. തൊബാമ എന്ന് പേരിട്ടുള്ള ചിത്രത്തിന്റെ പുതിയ പോസ്റ്റര് പുറത്തിറങ്ങി.
ചിത്രത്തിലെ നായികയുടെ ലുക് ആണ് പുറത്തുവിട്ടത്. പുതുമുഖം പുണ്യ എലിസബത്താണ് നായികയായെത്തുന്നത്. തന്റെ ഫേസ്ബുക്ക് പേജിലൂടെ അല്ഫോന്സ് പുത്രന് തന്നെയാണ് പോസ്റ്റര് പുറത്ത് വിട്ടിരിക്കുന്നത്.
മുഹ്സിന് കാസിമാണ് ചിത്രം സംവിധാനം ചെയ്യുന്നത്. സിജു വില്സണ്, കൃഷ്ണ ശങ്കര്, ഷറഫുദ്ദീന് എന്നിവരാണ് പ്രധാന വേഷങ്ങളിലെത്തുന്നത്. ടിവി അശ്വതിയും മുഹ്സിന് കാസിമും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ശബരീഷിന്റേതാണ് ഗാനരചന. ഷിനോസ് റഹ്മാനാണ് എഡിറ്റിങ്ങ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ