ഏറ്റവും പുതിയ ചിത്രം സീറോ തീയറ്ററുകളില്‍ എത്തുന്നതിന്റെ തിരക്കുകള്‍ക്കിടയിലും ലണ്ടനിലുള്ള മകള്‍ സുഹാനയ്ക്കരികിലേക്ക് പറന്നെത്തുകയായിരുന്നു എസ്ആര്‍കെ. മകളുടെ അഭിനയം നേരിട്ടുകാണുകയായിരുന്നു കിംഗ് ഖാന്റെ ലക്ഷ്യം. ലണ്ടനിലെ അര്‍ഡിങ്‌ലി കോളെജിലെ അവസാന വര്‍ഷ ബിരുദ വിദ്യാര്‍ത്ഥിനിയായ സുഹാനയുടെ നാടകാഭിനയം കാണാനാണ് ഷാറൂഖ് തിടുക്കപ്പെട്ട് ലണ്ടനിലെത്തിയത്.
ജൂലിയറ്റായി വേഷമിട്ട സുഹാനയുടെ പ്രകടം ഷാറൂഖിനെ ആകര്‍ഷിച്ചെന്ന കാര്യത്തില്‍ തര്‍ക്കമില്ല. താരത്തിന്റെ ഇന്‍സ്റ്റഗ്രാം കുറിപ്പ് ഇത് വ്യക്തമാക്കുന്നതാണ്. എന്റെ ജൂലിയറ്റിനോടൊപ്പം ലണ്ടനില്‍ എന്ന് കുറിച്ചുകൊണ്ടാണ് സുഹാനയ്‌ക്കൊപ്പം നില്‍ക്കുന്ന ചിത്രവും നാടകത്തിന്റെ പോസ്റ്ററും അദ്ദേഹം പങ്കുവച്ചത്. വളരെ അസാധാരണ പ്രകടനമാണ് നാടകത്തിലെ ഓരോ കഥാപാത്രവും കാഴ്ചവച്ചതെന്ന് കുറിച്ച ഷാറൂഖ് അഭിനേതാക്കളെയെല്ലാം അഭിനന്ദിക്കാനും മറന്നില്ല.
അഭിനയരംഗത്തേക്കുള്ള സുഹാനയുടെ കടന്നുവരവിനായി കാത്തിരിക്കുന്ന ആരാധകര്‍ക്ക് ശുഭപ്രതീക്ഷ തന്നെയാണ് എസ്ആര്‍കെയുടെ വാക്കുകള്‍. പഠനം പൂര്‍ത്തിയാക്കി അഭിനയത്തിലേക്ക് കടക്കാന്‍ ആഗ്രഹിക്കുന്ന സുഹാനയ്ക്ക് അച്ഛന്റെ വാക്കുകള്‍ ആത്മവിശ്വാസം പകരുമെന്നാണ് ആരാധകരുടെ പക്ഷം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
