ബോളിവുഡ് താര വിവഹങ്ങളോടെ ആഘോഷപരിപാടികള്ക്ക് വിരാമമായെന്ന് കരുതിയ ആരാധകര്ക്ക് മുന്നിലേക്ക് ഇതാ മറ്റൊരു വിവാഹാഘോഷവും. സംവിധായകന് എസ്എസ് രാജമൗലിയുടെ മകന് കാര്ത്തികേയനാണ് വരന്. ആഘോഷങ്ങളില് പങ്കെടുക്കാന് ബാഹുബലി താരങ്ങള് എത്തിയതോടെയാണ് ആരാധകര്ക്ക് ഹരമായത്.
കര്ണ്ണാടിക് ഗായിക പൂജ പ്രസാദ് ആണ് വധു. തെലുങ്ക് നടന് ജഗപതി ബാബുവിന്റെ സഹോദരി പുത്രിയാണ് പൂജ. ജയ്പൂരിലെ ഫെയര്മൗണ്ട് ഹോട്ടലില് നാളെയാണ് വിവാഹ ചടങ്ങുകള് നടക്കുന്നത്. ദീര്ഘകാലത്തെ പ്രണയത്തിനൊടുവിലാണ് കാര്ത്തികേയനും പൂജയും വിവാഹിതരാകുന്നത്.
പ്രഭാസ്, അനുഷ്ക ഷെട്ടി, റാണ ദഗ്ഗുബാട്ടി എന്നിവര് വിവാഹനിശ്ചയ പരിപാടികളിലടക്കം പങ്കെടുത്തിരുന്നു. ഇവര്ക്ക് പുറമേ ജൂനിയര് എന്ടിആര്, രാം ചരണ്, നാനി തുടങ്ങിയവരും വിവാഹത്തില് പങ്കെടുക്കാന് ജയ്പൂരിലെത്തിക്കഴിഞ്ഞു. താരങ്ങളാണ് വരനെയും വധുവിനെയും വിമാനത്താവളത്തില് സ്വാഗതം ചെയ്യാന് എത്തിയതും.രാജമൗലിയും രാം ചരണും ഒന്നിച്ച് പപ്രീ വെഡ്ഡിങ് ആഘോഷങ്ങള്ക്കിടയില് നൃത്തം ചെയ്യുന്ന വിഡിയോയും ഇതിനകം വൈറലായിക്കഴിഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ