കൊച്ചി: മോഹന്‍ലാലിന്റെ പുതിയ ഗെറ്റപ്പാണ് ആരാധകര്‍ക്കിടയില്‍ ഇപ്പോഴും പ്രധാന ചര്‍ച്ചാ വിഷയം. ഒടിയന്‍ സിനിമയ്ക്ക് വേണ്ടി മീശ കളഞ്ഞ് ശരീരം മെലിഞ്ഞെത്തിയ മോഹന്‍ലാലിനെ കണ്ട് ആരാധകടക്കം അന്തംവിട്ടതിന് പിന്നാലെയാണ് പുതിയ ലുക്ക് കണ്ട് ആരാധകര്‍ ഞെട്ടിയത്. മീശയും താടിയും വെച്ചാണ് ലാലേട്ടന്‍ പുതിയ ഗെറ്റപ്പില്‍ എത്തിയത്.
സോഷ്യല്‍ മീഡിയയില്‍ ലാലിന്റെ ഒടിയന്‍ ലുക്ക് വലിയ രീതിയില്‍ പ്രചരിച്ചിരുന്നു. കൊച്ചിയില്‍ ഒരു മൊബൈല്‍ ഷോപ്പിന്റെ ഉദ്ഘാടനത്തിന് എത്തിയപ്പോഴാണ് ലാലിന്റെ പുതിയ ലുക്ക് ആരാധകര്‍ കണ്ടത്. ലാലിനെ കാണാന്‍ അന്ന് വലിയ ജനക്കൂട്ടം തന്നെ കൊച്ചിയില്‍ എത്തിയിരുന്നു.
മമ്മൂട്ടിയുടെ വിട്ടീല്‍ കുടുംബസമേതം മോഹന്‍ലാല്‍ എത്തിയപ്പോഴാണ് പുതിയ ലുക്ക് പുറത്ത് വന്നത്. ഇപ്പോള്‍ ഒടിയന്‍ ലുക്കൊക്കെ മാറ്റിയാണ് ലാലേട്ടന്റെ നടപ്പ്. സ്‌പെഷ്യല്‍ ഇഫക്ടിന്റെ സഹായത്തോടെയാണ് ലാല്‍ രൂപമാറ്റിയതെന്നാണ് ചിലരുടെ പ്രചാരണം
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
