മൂത്തമകള് നൈസയെ ഉന്നതപഠനത്തിനായി സിംഗപ്പൂരില് അയക്കുന്നതില് തന്നേക്കാള് വിഷമം അജയ് ദേവ്ഗണ്ണിനായിരുന്നെന്ന് നടി കജോള്. മകളുടെ നല്ലതിനുവേണ്ടിയാണ് അവളെ വിദേശത്ത് അയച്ചതെന്നും ഹിന്ദുസ്ഥാന് ടൈംസിനോട് താരം പറഞ്ഞു.
മകളെ വിട്ടു നില്ക്കുന്നത് എനിക്ക് വളരെ ബുദ്ധിമുട്ടായിരുന്നു. എന്നാല് അജയ്ക്കുണ്ടായ അത്ര വിഷമം എനിക്കുണ്ടായിരുന്നില്ല. കാരണം ഞാന് വീട്ടില് നിന്ന് മാറി ബോര്ഡിംഗ് സ്കൂളില് നിന്നാണ് പഠിച്ചത്. മക്കളെ പിരിഞ്ഞിരിക്കുക എന്നത് എല്ലാ മാതാപിതാക്കള്ക്കും ബുദ്ധിമുട്ടുള്ള കാര്യമാണ്. എന്നാല് ഏറ്റവും അവസാനം അവര്ക്ക് ഇതുകൊണ്ട് ഗുണമുണ്ടാവുകയൊള്ളു. കജോള് പറഞ്ഞു. കജോളിന്റേയും അജയ് ദേവ്ഗണ്ണിന്റേയും രണ്ട് മക്കളില് മൂത്തമകളാണ് നൈസ. ഏഴ് വയസുകാരനായ ഇളയമകന് യുഗ് മാതാപിതാക്കള്ക്കൊപ്പം മുംബൈയിലാണ് താമസിക്കുന്നത്.
കഴിഞ്ഞ മാസം മക്കള്ക്കൊപ്പം സിംഗപ്പൂരില് വെച്ചാണ് കജോളും അജയും വിവാഹവാര്ഷികം ആഘോഷിച്ചത്. നൈസയെ ഹൈസ്കൂളില് ആക്കിയതിന് ശേഷമാണ് ഇവര് ഇന്ത്യയിലേക്ക് മടങ്ങിയത്. തന്റെ കുട്ടികളെ പിന്തുടര്ന്നതിനും അവരുടെ ഫോട്ടോ എടുത്തതിനും പാപ്പരാസിയെ രൂക്ഷമായ ഭാഷയിലാണ് കജോള് വിമര്ശിച്ചത്. പലപ്പോഴും ഒരു പരിധിയില് കൂടുതല് സ്വാതന്ത്ര്യം ഇവര്ക്ക് ലഭിക്കുന്നില്ലെന്നും കജോള് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ