'ആചാരങ്ങളും വിശ്വാസങ്ങളും സംരക്ഷിക്കാന്‍ കഴിയില്ലെങ്കില്‍ ശബരിമല തമിഴ്‌നാടിനോ കര്‍ണാടകയ്‌ക്കോ വിട്ടുനല്‍കണം'
ശബരിമല സ്ത്രീപ്രവേശന വിഷയത്തില്‍ തുറന്നടിച്ച് നടനും സംവിധായകനുമായ സന്തോഷ് പണ്ഡിറ്റ്. സ്ത്രീ പ്രവേശനവിഷയത്തില്‍ സംസ്ഥാനത്താകമാനം വാദപ്രതിവാദങ്ങള്‍ ഉയരുന്ന സാഹചര്യത്തിലാണ് സന്തോഷ് പണ്ഡിറ്റിന്റെ വ്യത്യസ്തമായ പ്രസ്താവന.
ആചാരങ്ങളും വിശ്വാസങ്ങളും സംരക്ഷിക്കാന്‍ കഴിയില്ലെങ്കില്‍ ശബരിമല തമിഴ്‌നാടിനോ കര്‍ണാടകയ്‌ക്കോ വിട്ടുനല്‍കണമെന്നാണ് പണ്ഡിറ്റ് പറയുന്നത്. ശബരിമല വിഷയത്തെ സംബന്ധിച്ച് സന്തോഷ് പണ്ഡിറ്റ് തന്റെ വെബ് സൈറ്റിലൂടെയാണ് നിലപാട് വ്യക്തമാക്കിയത്. ആചാരങ്ങള്‍ സംരക്ഷിക്കാന്‍ കഴിഞ്ഞില്ലെങ്കില്‍ ശബരിമല കുറച്ചു ദിവസത്തേക്ക് അടച്ചിടുകയാണ് വേണ്ടതെന്നും നടന്‍ പറയുന്നു.
'എല്ലാ മാധ്യമ പ്രവര്‍ത്തകരും തല്‍സമയ വാര്‍ത്തകള്‍ക്കായി ശബരിമലയില്‍ മത്സരിക്കുകയാണ്. ഭൂരിഭാഗം മാധ്യമങ്ങളും വിശ്വാസികള്‍ക്കെതിരാണ്. ദേവസ്വം ബോര്‍ഡ് ശബരിമല ഭരണത്തില്‍നിന്നു പിന്‍മാറുകയാണെങ്കില്‍ പ്രശ്‌നങ്ങക്ക് അറുതിവരും'- സന്തോഷ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
