ശ്രീനിവാസനും മകന് ധ്യാന് ശ്രീനിവാസനും ഒരുമിക്കുന്ന ആദ്യ ചിത്രം 'കുട്ടിമാമ'യുടെ ട്രെയിലറെത്തി. ഗോകുലം ഗോപാലന് നിര്മിച്ച് വിഎം വിനു സംവിധാനം ചെയ്യുന്ന ചിത്രമാണ് 'കുട്ടിമാമ'. മീര വാസുദേവും, ദുര്ഗ്ഗ കൃഷ്ണയുമാണ് ചിത്രത്തിലെ രണ്ട് നായികമാര്. തന്മാത്ര എന്ന ബ്ലെസ്സി ചിത്രത്തിലൂടെ പ്രേക്ഷകരുടെ പ്രിയങ്കരിയായ മീര വാസുദേവിന്റെ വലിയ ഒരു ഇടവേളക്ക് ശേഷമുള്ള തിരിച്ചു വരവ് കൂടെയാണ് ചിത്രം.
മനാഫ് തിരക്കഥയെഴുതിയ ചിത്രത്തിന് വിഎം വിനുവിന്റെ മകന് വരുണാണ് ചായാഗ്രഹണം നിര്വ്വഹിക്കുന്നത്. സംഗീത സംവിധായകന് രാജാമണിയുടെ മകന് അച്ചു രാജാമണിയാണ് ചിത്രത്തിന്റെ സംഗീതവും പശ്ചാത്തല സംഗീതവും നിര്വ്വഹിക്കുന്നത്.എഡിറ്റിംഗ് ഷമീര് മുഹമ്മദും നിര്വഹിക്കുന്നു.
ഒരു ഫാമിലി എന്റെര്റ്റൈനെര് ആണ് കുട്ടിമാമ. വിശാഖ്, നിര്മ്മല് പാലാഴി, മഞ്ജു പത്രോസ്, പ്രേംകുമാര്, കലിംഗ ശശി, വിനോദ്, കക്ക രവി, കലാഭവന് റഹ്മാന്, സയന, സന്തോഷ് കീഴാറ്റൂര് എന്നിവരാണ് മറ്റു വേഷങ്ങളില് എത്തുന്നത്.
ശ്രീനിവാസനും, വിനീത് ശ്രീനിവസാനും ആദ്യമായി പ്രധാന വേഷങ്ങളില് എത്തിയ മകന്റെ അച്ഛന് എന്ന ചിത്രം സംവിധാനം ചെയ്തതും വി എം വിനുവായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ