യുവനടി പ്രിയ വാര്യരുടെ കണ്ണിറുക്കലിലൂടെ മലയാളികളുടെ ഹൃദയം കീഴടക്കിയ മാണിക്യ മലരായ പൂവി ഇപ്പോൾ തെലുങ്കരുടെ ഹൃദയവും കവരുന്നു. ഒമർ ലുലു സംവിധാനം ചെയ്ത് പുറത്തിറങ്ങാനിരിക്കുന്ന ഒരു അഡാറ് ലവ് എന്ന ചിത്രത്തിന്റെ തെലുങ്ക് റീമേക്കും തരംഗമാകുകയാണ്.
ചിത്രത്തിന് ലഭിച്ച പ്രചാരണം മുതലെടുത്ത് മൊഴിമാറ്റി തെലുങ്കിൽ പ്രദർശനത്തിന് ഒരുക്കുകയാണ് അണിയറ പ്രവർത്തകർ. ലവേഴ്സ് ഡേയ്സ് എന്ന പേരിലാണ് ഒരു അഡാറ് ലവ് പ്രേക്ഷകർക്ക് മുന്നിലെത്തുന്നത്. തെലുഗു വേർഷനിൽ വിനീത് ശ്രീനിവാസന് പകരം അനുദീപാണ് ഗാനം ആലപിച്ചിരിക്കുന്നത്. ചന്ദ്രബോസിന്റേതാണ് വരികൾ.
ലവേഴ്സ് ഡേയ്സിന്റെ തെലുങ്ക് ലോഞ്ച് നിർവഹിച്ചത് സൂപ്പർ താരം അല്ലു അർജുനായിരുന്നു. എ ഗുരുരാജ്, സി എച്ച് വിനോദ് റെഡ്ഡി എന്നിവരാണ് ചിത്രത്തിന്റെ തെലുങ്ക് പകർപ്പവകാശം നേടിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
