സൂപ്പര്ഹിറ്റ് സംവിധായകന് ജോഷിയുടെ ചിത്രത്തില് ചെമ്പന് വിനോദും ജോജുവും നായകന്മാരായി എത്തുന്നു. പൊറിഞ്ചുമറിയം ജോസ് എന്ന് പേരുനല്കിയിരിക്കുന്ന ചിത്രത്തില് നൈല ഉഷയാണ് നായികയായി എത്തുന്നത്. ചിത്രത്തിന്റെ പൂജ തൃശൂരില് നടന്നു. സിനിമയിലെ താരങ്ങളും അണിയറ പ്രവര്ത്തകറും പൂജയില് പങ്കെടുത്തു.
അഭിലാഷ് എന് ചന്ദ്രനാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഫാമിലി ഡ്രാമ, ത്രില്ലര് സ്വഭാവത്തില് ഒരുങ്ങുന്ന ചിത്രം തൃശൂരിന്റെ കഥയാണ് പറയുന്നത്. ഡേവിഡ് കാച്ചപ്പിള്ളി പ്രൊഡക്ഷന്സ് അവതരിപ്പിച്ച് കീര്ത്തന മൂവീസിന്റെ ബാനറില് റെജി മോനാണ് ചിത്രം നിര്മ്മിക്കുന്നത്. അജയ് ഡേവിഡ് കാച്ചപ്പിള്ളി കാമറ ചലിപ്പിക്കുന്ന ഈ ചിത്രത്തിന് സംഗീതം ഒരുക്കുന്നത് ജേക്സ് ബിജോയും ഈ ചിത്രം എഡിറ്റ് ചെയ്യുന്നത് ശ്യാം ശശിധരനും ആണ്.
ചെറിയവേഷങ്ങളിലൂടെ നായകന്മാരായി ഉയര്ന്നവരാണ് ജോജുവും ചെമ്പന്വിനോദും. അടുത്തിടെ പുറത്തിറങ്ങിയ ഈ മ യൗവിലെ ചെമ്പന് വിനോദിന്റെ പ്രകടനം രാജ്യാന്തര തലത്തില് അംഗീകരിക്കപ്പെട്ടിരുന്നു. കൂടാതെ ജോജുവിനെ നായകനാക്കി ഒരുക്കിയ ജോസഫും മികച്ച അഭിപ്രായമാണ് നേടിയത്. പ്രീയപ്പെട്ട താരങ്ങളുടെ ഒത്തുചേരലിനെ വളരെ പ്രതീക്ഷയോടെയാണ് ആരാധകര് കാത്തിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ