അഭിനയത്തിനപ്പുറമുള്ള ഇഷ്ടങ്ങളെയും ഒപ്പം കൂട്ടുന്ന നടനാണ് തെന്നിന്ത്യ സ്നേഹത്തോടെ തല എന്ന് വിളിക്കുന്ന അജിത്ത്. വാഹനങ്ങളോടും ഫോട്ടോഗ്രഫി, റേസിങ് തുടങ്ങിയവയോടും അജിത്തിനുള്ള താത്പര്യം ആരാധകർക്കെല്ലാം അറിയാവുന്നതാണ്. ഇപ്പോഴിതാ പുതിയൊരു വിനോദം കൂടി താരത്തിന്റെ പട്ടികയിലേക്ക് ചേർന്നു, ഷൂട്ടിങ്.
കൊയമ്പത്തൂരിൽ വച്ച് നടന്ന സ്റ്റേറ്റ് റൈഫിൾ ചാംപ്യൻഷിപ്പിൽ അജിത്തും പങ്കെടുത്തിരുന്നു. റൈഫിൾ അക്കാദമിയിൽ താരം പരിശീലനം നേടുന്ന വിഡിയോ ദൃശ്യങ്ങൾ സമൂഹമാധ്യമങ്ങളിൽ വൈറലായതിന് പിന്നാലെയാണ് ചാംപ്യൻഷിപ്പിൽ അജിത്ത് പങ്കെടുത്ത വാർത്തകളും വന്നിരിക്കുന്നത്.
അജിത് അഭിനയിക്കുന്ന വിവേകം, നേർകൊണ്ട പാർവൈ എന്നീ സിനിമകളുടെ ചിത്രീകരണത്തിനിടെ താരം റൈഫിൾ അക്കാദമിയിൽ പരിശീലനം നേടുന്നതിന്റെ ചിത്രങ്ങളും വൈറലായിരുന്നു. സ്കൂൾ പഠനകാലത്ത് എൻസിസിയില് അംഗമായിരുന്ന അജിത് അന്നുമുതൽ ഷൂട്ടിങിനോട് താൽപര്യം പ്രകടിപ്പിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ