പ്രശസ്ത സംവിധായകന്‍ രഞ്ജന്‍ പ്രമോദ് നാലാമത്തെ സിനിമയുടെ പണിപ്പുരയില്‍. കുമ്പളങ്ങി നൈറ്റ്‌സ് എന്ന സിനിമയിലൂടെ ശ്രദ്ധേയയായ അന്ന ബെന്‍ ചിത്രത്തില്‍ നായികയാകുന്നു. പുതിയ ചിത്രത്തിന്റെ വിവരം അന്ന തന്നെയാണ് ഫെയ്‌സ്ബുക്കിലൂടെ പങ്കുവച്ചത്. ഏറെ സന്തോഷമുള്ള വാര്‍ത്ത പങ്കുവെക്കുന്നു എന്ന കുറിപ്പോടെ രഞ്ജന്‍ പ്രമോദിനൊപ്പമുള്ള ചിത്രമാണ് അന്ന ബെന്‍ പങ്കുവച്ചത്.
രക്ഷാധികാരി ബൈജു എന്ന ബിജു മേനോന്‍ ചിത്രത്തിന് ശേഷം രഞ്ജന്‍ പ്രമോദ് അണിയിച്ചൊരുക്കുന്ന സിനിമയാണിത്. ഈ ചിത്രത്തെക്കുറിച്ചുള്ള മറ്റ് വിവരങ്ങള്‍ അണിയറപ്രവര്‍ത്തകര്‍ പുറത്തുവിട്ടിട്ടില്ല. രഞ്ജന്‍ പ്രമോദ് സംവിധാനം ചെയ്യുന്ന നാലാമത്തെ ചിത്രമാണ് ഇത്. രക്ഷാധികാരി ബൈജുവിന് പുറമേ ഫോട്ടോഗ്രാഫര്‍, റോസ് ഗിറ്റാറിനാല്‍ എന്നിവയാണ് രഞ്ജന്‍ പ്രമോദിന്റെ മുന്‍ ചിത്രങ്ങള്‍.
'കുമ്പളങ്ങി നൈറ്റ്‌സി'ലെ 'ബേബിമോള്‍' എന്ന കഥാപാത്രത്തിലൂടെ ശ്രദ്ധ നേടിയ നടിയാണ് അന്ന ബെന്‍. വിനീത് ശ്രീനിവാസന്‍ നിര്‍മ്മിച്ച്, മാത്തുക്കുട്ടി സേവ്യര്‍ സംവിധാനം ചെയ്യുന്ന 'ഹെലെന്‍', മുസ്തഫ ഒരുക്കുന്ന പുതിയ ചിത്രം എന്നിവയിലാണ് അന്ന ഇപ്പോള്‍ അഭിനയിച്ചുകൊണ്ടിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
