സൗബിന് ഷാഹിര് നായകവേഷത്തിലെത്തുന്ന പുതിയ ചിത്രമാണ് ആന്ഡ്രോയ്ഡ് കുഞ്ഞപ്പന് വേര്ഷന് 5.25. ചിത്രീകരണം പൂര്ത്തിയാക്കി സിനിമ തിയേറ്ററുകളിലെത്താനുള്ള കാത്തിരിപ്പിലാണ് അണിയറപ്രവര്ത്തകര്. ഇതിനിടെ ചിത്രത്തിലെ സുരാജ് വെഞ്ഞാറമ്മൂടിന്റെ ക്യാരക്റ്റര് പോസ്റ്റര് പുറത്തിറക്കിയിരിക്കുകയാണ്.
താരത്തിന്റെ മേക്കോവര് സോഷ്യല് മീഡിയയില് വൈറലായിരിക്കുകയാണ്. പടുവൃദ്ധന്റെ വേഷത്തിലാണ് സുരാജ് ചിത്രത്തിലെത്തുന്നത്. സൗബിന് ഷാഹിറിന്റെ അച്ഛന്റെ വേഷമാണ് ചിത്രത്തില് സുരാജ് കൈകാര്യം ചെയ്യുന്നത്. ഒരു ഹ്യൂമനോയിഡിന്റെ കാഴ്ചപ്പാടിലൂടെ ബന്ധങ്ങളെക്കുറിച്ചുള്ള രസകരമായ കഥയാണ് ചിത്രം പറയുന്നത്.
ഫോഴ്സ്, ബദായ് ഹോ, മര്ഡ് കോ ദര്ദ് നഹി ഹോതാ എന്നീ ബോളിവുഡ് ചിത്രങ്ങളുടെയും നിരവധി പരസ്യ ചിത്രങ്ങളുടെയും പ്രൊഡക്ഷന് ഡിസൈനറായ രതീഷ് ബാലകൃഷ്ണന് പൊതുവാള് ആദ്യമായി സംവിധാനം ചെയ്യുന്ന ചിത്രമാണ് ആന്ഡ്രോയ്ഡ് കുഞ്ഞപ്പന് വേര്ഷന് 5.25. റഷ്യയിലും പയ്യന്നൂരിലുമായിട്ടായിരുന്നു ഇതിന്റെ ചിത്രീകരണം. ചിത്രം നവംബറില് തിയേറ്ററുകളിലെത്തും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ