ആദ്യമായി പിരീഡ്സ് ആയപ്പോള് കൂടെയുള്ളത് ഏട്ടന് മാത്രം; വൈറലായി 'ആദ്യ'; വീഡിയോ
വ്യത്യസ്മായ പ്രമേയവുമായി എത്തി 'ആദ്യ' എന്ന ഹൃസ്വചിത്രം സമൂഹമാധ്യമങ്ങളില് ശ്രദ്ധേയമാവുകയാണ്. വീട്ടില് സഹോദരന് മാത്രമുള്ളപ്പോള് അനിയത്തിക്ക് ആദ്യമായി ആര്ത്തവം വരുന്നതും തുടര് സംഭവങ്ങളുമാണ് 'ആദ്യ'യുടെ പ്രമേയം. ഇന്നും ആര്ത്തവം അയിത്തമായി കാണുന്നവര്ക്ക് ചിന്തിക്കാനൊരവസരം നല്കുന്ന ഷോര്ട്ഫിലിം കൂടിയാണിത്.
അച്ഛനും അമ്മയും വീട്ടിലില്ലാത്തപ്പോള് അനിയത്തിക്ക് ആദ്യമായി ആര്ത്തവമുണ്ടാകുന്നു. അനാവശ്യ ടെന്ഷനുകള് കാണിക്കാതെ അനിയത്തിയെ പരിപാലിക്കുന്ന സഹോദരന്. അനിയത്തിയും ചേട്ടനും തമ്മിലുള്ള സ്നേഹബന്ധം ലളിതമായി, മനോഹരമായി ഇതിലൂടെ തുറന്ന് കാണിക്കുന്നു. ആര്ത്തവം എന്ന വിഷയത്തെ പതിവു രീതികളില് നിന്ന് വിട്ട് ഏറെ വ്യത്യസ്തമായാണ് സംവിധായകന് അവതരിപ്പിച്ചിട്ടുള്ളത്.
നന്ദിന് കാര്ത്തികേയനാണ് ചിത്രം സംവിധാനം ചെയ്തിരിക്കുന്നത്. എസ് ഹരിശങ്കര് ആണ് തിരക്കഥ എഴുതിയിരിക്കുന്നത്. അലീന സുനീഷ്, ആശിഷ് കളീക്കന് എന്നിവരാണ് അഭിനയിച്ചിരിക്കുന്നത്. ആശിഷ് ജോര്ജ് ആണ് ഛായാഗ്രഹണം. ബങ്ക്ഡ് അവേഴ്സ് ആണ് നിര്മ്മാണം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ