വിനയന്റെ ആകാശഗംഗ 2 വിലെ ആദ്യ വിഡിയോ ഗാനം പുറത്തിറങ്ങി. തെന്നിന്ത്യന് താരം രമ്യാ കൃഷ്ണന്റെ ശക്തമായ നൃത്തച്ചുവടുകളോടുകൂടിയ വീഡിയോ ഗാനം സമൂഹമാധ്യമങ്ങളില് തരംഗമാവുകയാണ്. ദുര്മന്ത്രവാദത്തിന്റെ പശ്ചാത്തലത്തിലുള്ള ഗാനം ആലപിച്ചിരിക്കുന്നത് ഗായിക സിതാരയാണ്.
'തീ തുടികളുയരെ' എന്ന് തുടങ്ങുന്ന ഗാനത്തിന് സംഗീതം നല്കിയിരിക്കുന്നത് ബിജിപാലാണ്. വിഭിന്നമായ പശ്ചാത്തലത്തിലാണ് പാട്ടൊരുക്കിയിരിക്കുന്നത്. ബാഹുബലിയിലൂ!ടെ വലിയ ആരാധരവൃന്ദത്തെ സ്വന്തമാക്കിയ ശേഷം രമ്യ മലയാളത്തില് അഭിനയിക്കുന്ന ചിത്രമാണ് ആകാശഗംഗ2.
20 വര്ഷങ്ങള്ക്ക് ശേഷമാണ് ആകാശഗംഗ 2 എത്തുന്നത്. വിനയന് സംവിധാനം ചെയ്യുന്ന ചിത്രം നവംബര് 1 ന് തീയറ്ററുകളിലെത്തും. വിനയന്റെ മകന് വിഷ്ണു വിനയ് ആണ് ചിത്രത്തില് നായകനായെത്തുന്നത്. ആദ്യ സിനിമയിലെ നായകന് റിയാസും ആകാശഗംഗ2 വില് അഭിനയിക്കുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ