ബസ്സും ലോറിയുമൊക്കെ പാഞ്ഞുവരുമ്പോൾ വഴി മാറികൊടുക്കാറാണ് ഇരുചക്ര വാഹനയാത്രികരുടെ പതിവ്. ''ജീവൻ വേണമെങ്കിൽ ഒതുക്കി എടുത്തോ എന്നതാണ് റോഡിലെ പതിവ് ഭാവം. മുന്നിൽ വരുന്ന വലിയ വണ്ടി റോങ് സൈഡാണെങ്കിലും ഇതൊക്കെ തന്നെയാണ് അവസ്ഥ.
എന്നാൽ ഇതിൽ നിന്ന് വ്യത്യസ്തമായി തെറ്റായ ദിശയിലൂടെ പാഞ്ഞുവന്ന കെഎസ്ആർടിസിക്ക് മുന്നിൽ ചങ്കുറപ്പോടെ നിന്ന സ്കൂട്ടർ യാത്രികയുടെ വിഡിയോയാണ് സമൂഹമാധ്യമങ്ങളിൽ വൈറലാകുന്നത്. ട്രാഫിക് ബ്ലോക്ക് മറികടന്ന് റോങ് സൈഡിലൂടെ വരികയായിരുന്ന കെഎസ്ആർടിസി തന്റെ കുറുകെ എത്തയപ്പോഴയിരുന്നു യുവതിയുടെ പ്രതികരണം. തെറ്റ് തങ്ങളുടെ ഭാഗത്തല്ലെങ്കിലും ഒതുങ്ങികൊടുക്കുന്ന പതിവൊഴിവാക്കി ബസ്സിന് മുന്നിൽ തന്റെ സ്കൂട്ടറുമായി യുവതി നിന്നു. യുവതി മുമ്പിൽ നിന്നും മാറുകയില്ലെന്നു മനസിലാക്കിയതോടെ ഡ്രൈവർ ബസ് ഒതുക്കി ശരിയായ ദിശയിലേക്ക് മാറ്റുന്നതും വിഡിയോയിൽ കാണാം.
വിഡിയോ എവിടെയാണ് ചിത്രീകരിച്ചതെന്ന് വ്യക്തമല്ലെങ്കിലും സംഗതി ഇതിനോടകം സോഷ്യൽ മീഡിയ ഏറ്റെടുത്തുകഴിഞ്ഞു. സിനിമ നടൻ ഉണ്ണി മുകുന്ദൻ അടക്കമുള്ളവർ വിഡിയോ ഷെയർ ചെയ്തിട്ടുണ്ട്. കലക്കിയടാ എന്ന് കുറിച്ചാണ് ഉണ്ണി വിഡിയോ പങ്കുവച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ