ദുല്‍ഖറിനെ ബോളിവുഡ് കൊണ്ടുപോയെന്ന് കരുതിയോ?: റോഷന്‍ ആന്‍ഡ്രൂസ് ചിത്രത്തില്‍ പൊലീസാകാന്‍ ഡിക്യൂ
തന്റെ പുതിയ ബോളിവുഡ് ചിത്രം സോയ ഫാക്ടറിന്റെ പ്രചരണവുമായി ബന്ധപ്പെട്ട് ഒരു മാസമായി ഉത്തരേന്ത്യയിലാണ് മലയാളികളുടെ പ്രിയപ്പെട്ട നടന്‍ ദുല്‍ഖര്‍ സല്‍മാന്‍. സോനം കപൂര്‍ നായികയായ ചിത്രം കഴിഞ്ഞയാഴ്ചയാണ് തിയറ്ററുകളിലെത്തിയത്.
ചിത്രത്തിന്റെ റിലീസ് ദിവസം സംഘടിപ്പിച്ച പരിപാടിയില്‍ പങ്കെടുത്ത ദുല്‍ഖറിന്റെയും ഭാര്യ അമാല്‍ സുല്‍ഫിയുടെയും ചിത്രങ്ങള്‍ സമൂഹമാധ്യമങ്ങളില്‍ ശ്രദ്ധേയമായിരുന്നു. എന്നാല്‍ ഇതെല്ലാം കണ്ട് ദുല്‍ഖര്‍ മുഴുവനായും അങ്ങ് ബോളിവുഡിലേക്ക് ചേക്കേറിയെന്ന് കരുതേണ്ട. താരത്തിന്റെ അടുത്ത ചിത്രം മലയാളത്തില്‍ തന്നെ ആയിരിക്കും.
റോഷന്‍ ആന്‍ഡ്രൂസ് സംവിധാനം ചെയ്യുന്ന ചിത്രത്തില്‍ പൊലീസ് ഓഫിസറുടെ വേഷത്തിലാണ് താരം എത്തുന്നത്. ദുല്‍ഖര്‍ പൊലീസ് ആയി അഭിനയിക്കുന്ന ആദ്യത്തെ ചിത്രമായിരിക്കും ഇത്. ബോബി- സഞ്ജയ് തിരക്കഥ എഴുതിയ സിനിമ മാര്‍ച്ചില്‍ ചിത്രീകരണം ആരംഭിക്കും. കായംകുളം കൊച്ചുണ്ണിയുടെ അണിയറ പ്രവര്‍ത്തകരില്‍ പലരും പുതിയ ചിത്രത്തിലുണ്ടെന്നാണ് വിവരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
