മുംബൈ : പ്രശസ്ത ബോളിവുഡ് നടന് നവതേജ് ഹുണ്ടാല് അന്തരിച്ചു. ബോളിവുഡില് വന് വിജയം നേടിയ ഉറി-ദ സര്ജിക്കല് സ്ട്രൈക്കാണ് നവതേജ് അഭിനയിച്ച് അവസാനമായി പുറത്തിറങ്ങിയ ചിത്രം. ഉറി ഭീകരാക്രമണം പ്രമേയമാക്കി ചിത്രീകരിച്ച സിനിമയില് കേന്ദ്ര ആഭ്യന്തരമന്ത്രിയായാണ് നവതേജ് തിളങ്ങിയത്.
ബോളിവുഡിലെ ഹിറ്റ് ചിത്രങ്ങളായ ഖല്നായക്, തേരേ മേരെ സപ്നെ തുടങ്ങിയ ചിത്രങ്ങളിലും, ഭാരത് ഏക് ഖോജ് എന്ന ടെലിവിഷന് ഷോയിലും നവതേജ് അഭിനയിച്ചിട്ടുണ്ട്. കൂടാതെ അഭിനയ പരിശീലന ക്ലാസ്സുകളും അദ്ദേഹം എടുക്കുന്നുണ്ട്.
നീലമാണ് ഭാര്യ. രണ്ട് പെണ്മക്കളുണ്ട്. മകളായ അവന്തിക ഹുണ്ടാല്, യഹ് ഹെ മൊഹബത്തേന് എന്ന പരമ്പരയില് അഭിനയിക്കുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ