നടന് ദുല്ഖര് സല്മാനും സിനിമ നിര്മ്മാണരംഗത്തേക്ക് കടക്കുന്നു. പുതിയ ചുവടുവയ്പ്പിനെക്കുറിച്ച് താരം തന്നെയാണ് പുറത്തുവിട്ടത്. ബാനറിന്റെ പേര് ഉടന് പുറത്തുവിടുമെന്നും ദുല്ഖര് പറഞ്ഞു.
ചിത്രത്തിലേക്ക് അഭിനേതാക്കളെ ക്ഷണിച്ചുകൊണ്ടുള്ള ഫേസ്ബുക്ക് പോസ്റ്റിലാണ് ദുല്ഖര് നിര്മ്മാണവിവരം പുറത്തുവിട്ടത്. ഏഴ് മുതല് പന്ത്രണ്ട് വയസു വരെയുള്ള ആണ്കുട്ടികളെയും ആറ് മുതല് 10 വയസു വരെയുള്ള പെണ്കുട്ടികളെയുമാണ് സിനിമയിലേക്ക് ക്ഷണിച്ചിട്ടുള്ളത്.
19-24, 30-35, 40-50 എന്നീ പ്രായവിഭാഗത്തിലുള്ള സ്ത്രീകള്ക്കും അഭിനയിക്കാനുള്ള അവസരമുണ്ട്. താല്പര്യമുള്ളവര് മൂന്ന് ഫോട്ടോയും ബയോഡാറ്റയും ഏപ്രില് 27ന് മുന്പായി പരസ്യത്തില് സൂചിപ്പിച്ചിട്ടുള്ള മെയില് ഐഡിയിലേക്കോ വാട്സാപ്പ് നമ്പറിലേക്കോ അയക്കാനാണ് പോസ്റ്ററില് ആവശ്യപ്പെട്ടിരിക്കുന്നത്.
ഏപ്രില് 25ന് തിയേറ്ററുകളിലെത്തുന്ന ഒരു യമണ്ടന് പ്രേമകഥയാണ് ദുല്ഖറിന്റെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ