ബോളിവുഡ് നടി ആലിയ ഭട്ടിനെതിരെയുള്ള നടി കങ്കണയുടെ വിമർശനങ്ങൾ മാപ്പ് പറച്ചിൽ കൊണ്ടും അവസാനിക്കുന്നില്ല. കടുത്ത ഭാഷയിൽ ആലിയയ്ക്കെതിരെ വിമർശനമുന്നയിച്ച് കങ്കണ വീണ്ടും രംഗത്തെത്തി. ആലിയ കരൺ ജോഹറിന്‍റെ കയ്യിലെ കളിപ്പാവയാണെന്നാണ് താരം വിശേഷിപ്പിച്ചിരിക്കുന്നത്.
കങ്കണയുടെ ഏറ്റവും പുതിയ ചിത്രം മണികർണിക വിവാദത്തിൽ അകപ്പെട്ടപ്പോൾ ആലിയ പിന്തുണയ്ക്കാതിരുന്നതിനെത്തുടർന്നാണ് പ്രശ്നങ്ങൾ തുടങ്ങിയത്. ആലിയയുടെ സിനിമകളെ താൻ പിന്തുണച്ചിരുന്നെന്നും എന്നാൽ മണികർണിയുമായി ബന്ധപ്പെട്ട വിവാദങ്ങളിലെല്ലാം ആലിയ മൗനം പാലിച്ചെന്നും വിമർശിച്ചാണ് കങ്കണ ആദ്യം രംഗത്തെത്തിയത്.
എന്നാൽ മണികർണികയുമായി ബന്ധപ്പെട്ട വിവാദങ്ങളൊന്നും താന്‍ അറിഞ്ഞിരുന്നില്ലെന്നും ഷൂട്ടിങ്ങ് തിരക്കിലായിരുന്നുവെന്നുമാണ് കങ്കണയുടെ വിമർശനത്തിന് ആലിയ നൽകിയ മറുപടി. ഏതെങ്കിലും തരത്തിൽ വേദനിപ്പിച്ചിട്ടുണ്ടെങ്കിൽ ക്ഷമ ചോദിക്കുന്നുവെന്നും താരം പറ‍‍ഞ്ഞു.
ആലിയയുടെ മാപ്പിലും കങ്കണ അടങ്ങിയില്ല. സ്വന്തമായി ശബ്ദമുയർത്താൻ കഴിവിലെങ്കില്‍ ആലിയ നേടിയതൊന്നും വിജയങ്ങളല്ലെന്നും കരൺ ജോഹറിന്‍റെ കയ്യിലെ കളിപ്പാവ മാത്രമാണ് ആലിയയെന്നും കങ്കണ കുറ്റപ്പെടുത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
