ഒരുപാട് അനുഭവങ്ങള് സമ്മാനിച്ചാണ് ഓരോ വര്ഷവും കടന്നു പോകുന്നത്. തമിഴ്നടന് വിഷ്ണു വിശാലിന് കഴിഞ്ഞ വര്ഷമുണ്ടായ നഷ്ടവും ലാഭവും ഒരുപോലെ ആയിരുന്നു. കരിയറിലെ ഏറ്റവും വലിയ വിജയം രാക്ഷസന് സമ്മാനിച്ചപ്പോള് വ്യക്തി ജീവിതത്തില് നിരവധി നഷ്ടങ്ങളുണ്ടായി. തന്റെ 2018 നെക്കുറിച്ച് സോഷ്യല് മീഡിയയില് ഒരു കുറിപ്പ് പോസ്റ്റ് ചെയ്തിരിക്കുകയാണ് വിഷ്ണു. വളരെ വിചിത്രമായ വര്ഷമാണ് കഴിഞ്ഞുപോയത് എന്നാണ് അദ്ദേഹം പറയുന്നത്. ഒരുപാട് പേര് തന്നെ ചതിച്ചെന്നും യഥാര്ത്ഥ സുഹൃത്ത് ആരെന്ന് മനസിലായെന്നും താരം കുറിച്ചു.
'2018 എന്റെ ജീവിതത്തിലെ ഏറ്റവും വിചിത്രമായ ഒരു വര്ഷമായിരുന്നു. രാക്ഷസന്റെ വിജയം വളരെ മനോഹരമായ ഒരു സമ്മാനമായിരുന്നു. സില്ക്കുവാര്പട്ടി സിങ്കം എന്ന ഒരു സിനിമയും എന്നെ തേടിയെത്തി. നിരവധി പേര് എന്നെ ചതിച്ചു. യഥാര്ഥ സുഹൃത്തുക്കള് ആരെന്ന് അറിയാന് സാധിച്ചു. വ്യക്തിജീവിതത്തില് ഒരുപാട് നഷ്ടങ്ങള് സംഭവിച്ചു. ഇനി 2019 വരുന്നു' വിഷ്ണു ട്വീറ്റ് ചെയ്തു.
രാം കുമാര് സംവിധാനം ചെയ്ത രാക്ഷസന് 2018 ലെ ഏറ്റവും മികച്ച ചിത്രങ്ങളില് ഒന്നായാണ് വിലയിരുത്തപ്പെടുന്നത്. ചിത്രം വിജയിച്ചതിന് പിന്നാലെയാണ് താന് വിവാഹമോചിതനായ കാര്യം വിഷ്ണു പുറത്തുവിട്ടത്. താനും ഭാര്യ രജനിയുമായി ഒരു വര്ഷമായി മാറി താമസിക്കുകയാണെന്നും നിയമപരമായി വേര്പിരിഞ്ഞുവെന്നും പറഞ്ഞ് വിഷ്ണു ട്വീറ്റ് ചെയ്യുകയായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ