കൊച്ചി: ഹനീഫ് അദേനിയും നിവിന്‍ പോളിയും ആദ്യമായി ഒന്നിക്കുന്ന ചിത്രമാണ് മിഖായേല്‍ . ചിത്രത്തിന്റെ ടീസറിനും പോസ്റ്ററുകള്‍ക്കും വലിയ രീതിയിലുള്ള സ്വീകാര്യതയാണ് ലഭിച്ചത്. ഇപ്പോഴിതാ ചിത്രത്തിന്റെ റിലീസ് തിയതി പ്രഖ്യാപിച്ച് നിവിന്‍ പോളിയെത്തി. തന്റെ ഫെയ്‌സ്ബുക്ക് പേജിലൂടെയാണ് നിവിന്‍ റിലീസ് തിയതി പ്രഖ്യാപിച്ചത്. ഈ മാസം 18നാണ് ചിത്രം തീയേറ്ററുകളിലെത്തുക
മമ്മൂട്ടി നായകനായ 'ദി ഗ്രേറ്റ് ഫാദറാണ് ഹനീഫ് അദേനി ആദ്യം സംവിധാനം ചെയ്ത ചിത്രം. ഇതിന് ശേഷം അബ്രാഹാമിന്റെ സന്തതികള്‍ എന്ന മമ്മൂട്ടി ചിത്രത്തിന് തിരക്കഥയും ഹനീഫ് ഒരുക്കിയിരുന്നു.
കായംകുളം കൊച്ചുണ്ണിയാണ് നിവിന്റെ അവസാനം പുറത്തിറങ്ങിയ ചിത്രം. ചിത്രം നൂറ് കോടി ക്ലബില്‍ ഇടം നേടിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
