നടനും തിരക്കഥാകൃത്തുമായ ശങ്കർ രാമകൃഷ്ണൻ സംവിധാനം ചെയ്ത പതിനെട്ടാം പടി ഇന്നലെയാണ് തീയെറ്ററിൽ എത്തിയത്. മമ്മൂട്ടിയും പൃഥ്വിരാജും അതിഥി വേഷത്തിൽ എത്തുന്ന ചിത്രം റിലീസിന് മുന്ന് തന്നെ വാർത്തകളിൽ നിറഞ്ഞിരുന്നു. ഇപ്പോൾ ശങ്കർ രാമകൃഷ്ണനെ പുകഴ്ത്തി രംഗത്തെത്തിയിരിക്കുകയാണ് നടൻ അനൂപ് മേനോൻ. പതിനെട്ടാം പടി യാഥാർത്ഥ്യമാക്കാൻ ശങ്കർ ഒരുപാട് കഷ്ടപ്പെട്ടിട്ടുണ്ട് എന്നാണ് തന്റെ ഫേയ്സ്ബുക്ക് പോസ്റ്റിലൂടെ അനൂപ് പറയുന്നത്.
''പതിനെട്ടാംപടി കണ്ടു.. അതിരറ്റ സിനിമാനുഭവമാണ്... ഓരോ ചെറിയ അംശവും എനിക്കിഷ്ടപ്പെട്ടു.. ശങ്കര് രാമകൃഷ്ണന്.. പ്രിയപ്പെട്ട ശങ്കൂ.. ഇന്നത്തെ ദിവസം നിന്റേതാണ്.. മലയാളത്തിലെ തന്നെ മികച്ച ചിത്രങ്ങളെടുത്താല് അതിലൊന്നാകുമിത്.. ഈ ചിത്രമെടുക്കാന് നീ നേരിട്ട വേദനയും അനുഭവിച്ച ഹീനമായ താഴ്ത്തിക്കെട്ടലുകളും ശകാരങ്ങളും ഞാന് കണ്ടിട്ടുള്ളതാണ്.. പുതിയ സിനിമാമോഹികള്ക്കും നവാഗതരായ സംവിധായകര്ക്കും മുകളില് നീ പ്രചോദനമായി ഉയര്ന്നു നില്ക്കുകയാണ്. എത്ര ബൃഹത്തായ പരിശ്രമം.. എത്ര ഭംഗിയായി നിര്വഹിച്ചു.. നിങ്ങള് ഓരോരുത്തരും ഈ സിനിമ കാണണം, ഈ കലര്പ്പില്ലാത്ത സിനിമാസംവിധായകന് കൂടുതല് കരുത്താര്ന്ന ചിറകുകള് നല്കണം.. മനസില് സ്നേഹവും അഭിമാനവും നിറയുന്നു..'' അനൂപ് മേനോൻ കുറിച്ചു.
ശങ്കര് രാമകൃഷ്ണന് സംവിധാനം ചെയ്യ്ത രണ്ടാമത്തെ ചിത്രമാണ് പതിനെട്ടാംപടി. കേരള കഫേയിലെ ഐലന്റ് എക്സ്പ്രെസ് ആണ് ശങ്കര് സംവിധാനം ചെയ്ത ആദ്യ ചിത്രം. പുതുമുഖങ്ങളെ അണിനിരത്തി ഒരുക്കിയിരിക്കുന്ന ചിത്രത്തിൽ അഹാന കൃഷ്ണയാണ് നായികയായി എത്തുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ