അഭിനയിച്ചത് ഒറ്റ സീനിലാണെങ്കിലും പ്രേക്ഷകരുടെ മനസ്സിൽ നിന്ന് മായാതെ നിൽക്കുകയാണ് ലാലി പി എം. കേരളം ഏറ്റെടുത്ത കുമ്പളങ്ങി നൈറ്റ്സിലെ നാല് സഹോദരന്മാരുടെ അമ്മയായാണ് ലാലി വേഷമിട്ടത്. സജി, ബോബി, ബോണി, ഫ്രാങ്കി എന്നീ കഥാപാത്രങ്ങളുടെ അമ്മയായി ഒറ്റ സീനിൽ മാത്രമാണ് ലാലി എത്തുന്നത്. എങ്കിലും സിനിമ കണ്ടവർ ഇപ്പോഴും ഓർത്തിരിക്കുന്ന മുഖമാണ് ആ അമ്മയുടേത്.
ലാലിയുടെ ചെറുപ്പ കാലത്തെ ഒരു ചിത്രം സമൂഹമാധ്യമങ്ങളിൽ പ്രചരിച്ചതാണ് ആ കഥാപാത്രത്തെ വീണ്ടും ചർച്ചയാക്കിയത്. എഴുത്തുകാരനും അവരുടെ സുഹൃത്തുമായ ലിജീഷ് കുമാറാണ് ചിത്രം പങ്കുവച്ചത്. യുവനടി അനാർക്കലി മിക്കാറിന്റെ അമ്മയാണ് ലാലി എന്നതും പ്രേക്ഷകർക്ക് പുതിയ അറിവായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
