പുറമ്പോക്ക് എങ്കിറ പൊതുവുടമൈ എന്ന ചിത്രത്തിന് ശേഷം വിജയ് സേതുപതിയും സംവിധായകൻ എസ് പി ജനനാഥനും വീണ്ടും ഒന്നിക്കുന്ന ‘ലാബം’ ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്. ചിത്രത്തിൽ ഇരട്ട വേഷത്തിലെത്തുന്ന വിജയ് സേതുപതിയുടെ പുറത്തുവന്ന ഒരു ലുക്കാണ് ആരാധകർ ഏറ്റെടുത്തിരിക്കുന്നത്. ഒറ്റനോണ്ടത്തിൽ കണ്ടാൽ തിരിച്ചറിയാൻ പോലും കഴിയാത്ത വേഷം.
താടിയും മുടിയും നീട്ടിവളർത്തിയ തരത്തിലുള്ള ഒരു ലുക്കാണ് സമൂഹമാധ്യമങ്ങളിലൂടെ ഇപ്പോൾ പുറത്തുവന്നത്. കർഷക യൂണിയൻ നേതാവായാണ് ചിത്രത്തിലെ വിജയ് യുടെ ഒരു കഥാപാത്രം. പാക്കിരി എന്നാണ് കഥാപാത്രത്തിന്റെ പേര്. താരത്തിന്റെ രണ്ടാമത്തെ കഥാപാത്രത്തെക്കുറിച്ചുള്ള വിവരങ്ങൾ ഇനിയും പുറത്തുവിട്ടിട്ടില്ല.
ശ്രുതി ഹാസനാണ് ചിത്രത്തിൽ നായികയായെത്തുന്നത്. ശ്രീ രഞ്ജനി എന്നാണ് ശ്രുതിയുടെ കഥാപാത്രത്തിന്റെ പേര്. ജഗപതി ബാബു വില്ലനായും വേഷമിടുന്നു. ഓഗസ്റ്റോടെ ചിത്രീകരണം പൂർത്തിയാക്കി 2020 ആദ്യം റിലീസ് ചെയ്യാനാണ് അണിയറപ്രവർത്തകരുടെ നീക്കം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
