സിനിമകളില്‍ ഇപ്പോള്‍ അത്ര സജീവമല്ലെങ്കിലും സമൂഹമാധ്യമങ്ങളിലൂടെ എപ്പോഴും തന്റെ വിശേഷങ്ങള്‍ ആരാധകരുമായി പങ്കുവയ്ക്കാറുണ്ട് നടി സനുഷ. താരം അടുത്തിടെ ഇന്‍സ്റ്റഗ്രാമില്‍ പങ്കുവെച്ച ഒരു ചിത്രത്തിന് ഒരു പ്രേക്ഷക നല്‍കിയ കമന്റും അതിന് സനുഷ നല്‍കിയ മറുപടിയുമാണ് ഇപ്പോള്‍ ശ്രദ്ധേയമാകുന്നത്.
നിറഞ്ഞുചിരിക്കുന്ന ചിത്രത്തിനു താഴെ ''എന്തുകൊണ്ട് പല്ലില്‍ കമ്പിയിട്ടുകൂടാ. നിരതെറ്റിയാണല്ലോ നില്‍ക്കുന്നത്'' എന്നായിരുന്നു കമന്റ്. ''എന്റെ കുറവുകളെ ഞാന്‍ സ്‌നേഹിക്കുന്നു. നിരതെറ്റിയ ഈ പല്ലിന്റെ കാര്യത്തില്‍ ഞാന്‍ പൂര്‍ണ സംതൃപ്തയാണ്. നിര്‍ദേശത്തിന് നന്ദി. ഈ കുറവുകളാണ് എന്നെ ഞാനാക്കുന്നത്'',- എന്നായിരുന്നു സനുഷ നല്‍കിയ മറുപടി.
ബാലതാരമായി മലയാളസിനിമയില്‍ അരങ്ങേറ്റം കുറിച്ച നടിയാണ് സനുഷ. ചുരുക്കം ചില മലയാള സിനിമകളില്‍ അഭിനയിച്ച താരം പിന്നീട് തെലുങ്ക്, തമിഴ് സിനികളിലെല്ലാം സാന്നിധ്യമറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
