സംവിധായകന് അനീഷ് ഉപാസന ഫേയ്സ്ബുക്കില് പോസ്റ്റ് ചെയ്ത ഹോട്ടല് ബില് കണ്ട് കണ്ണ് തള്ളി നില്ക്കുകയാണ് സോഷ്യല് മീഡിയ. ബിരിയാണിയും ചോറും ഉള്പ്പടെയുള്ള 11 തരം ഭക്ഷണത്തിനും വെള്ളത്തിനുമായി 4.32 ലക്ഷം രൂപയാണ് ബില്. വെള്ളത്തിന് 5000 വും ബിരിയാണിയ്ക്ക് 55,000 ആണ് വില. എന്നാല് ഇതൊന്നും ഇന്ത്യന് രൂപയില് അല്ല. സൊമാലിലാന്റ് ഷില്ലിങ്ങിലാണ്.
പുതിയ സിനിമയുടെ ചിത്രീകരണത്തിന്റെ ഭാഗമായി സൊമാലിയയില് എത്തിയതായിരുന്നു സംവിധായകനും സംഘവും. അവിടത്തെ കറന്സിയായ സൊമാലിലാന്റ് ഷില്ലിങ്ങിന് ഇന്ത്യന് രൂപയേക്കാള് മൂല്യം കുറവാണ്. 10 സൊമാലിലാന്റ് ഷില്ലിംഗ് എന്നാല് 1.22 ഇന്ത്യന് രൂപയാണ്. അതായത് ഒരു ഷില്ലിംഗ് കേവലം 12.2 പൈസമാണ് ആവുന്നത്.
സൊമാലിയയിലെ ഇന്ത്യന് ഭക്ഷണശാലയില് നിന്നുമാണ് സംവിധായകനും കൂട്ടരും ഭക്ഷണം കഴിച്ചിരിക്കുന്നത്. ജസ്റ്റ് ഒന്ന് ഫുഡ് കഴിച്ചതാ ! എന്ന തലകെട്ടുമായിയാണ് അനീഷ് ഉപാസന ബില് തന്റെ ഫേസ്ബുക്കില് പങ്കുവച്ചത്. ബിരിയാണിയും മറ്റ് ഇന്ത്യന് ഭക്ഷണങ്ങളും കഴിച്ചതിനാണ് ഈ ബില് വന്നിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ